Shetelge qarajatty zańsyz aýdarý jaǵdailarynyń jolyn kesetin halyqaralyq «Ekman» qarjylyq toby quryldy. Bul týraly QR birinshi qarjy vitse-ministri Berik Sholpanqulov málim etti, dep habarlaidy QazAqparat.
«Halyqaralyq birlestikter «Ekman» qarjylyq tobyn qurdy. Ol uiym álem elderiniń qarjylyq barlaý qyzmetteriniń barlyǵyn qolastyna biriktirip otyr. Eger belgili bir elden zańsyz túrde kapital aýdarylatyn bolsa, onda ol shottyń iesine óte qatań sharalar qabyldanady. Iaǵni, zańsyz aýdarylǵan ol qarajatty atalǵan uiym ymyrasyz aryzdanǵan memlekettiń paidasy úshin shottan sheship alýǵa deiingi sharany qabyldaýǵa qaýqarly», - dedi Berik Sholpanqulov búgin Úkimettiń baspasóz ortalyǵynda.
Aita ketsek, byltyr Parlament Senatynda QR Qarjy ministrligi Memlekettik kirister komiteti tóraǵasynyń orynbasary mindetin atqarýshy Ýálihan Dildábaev valiýtalyq zańnamany buzǵandardy jaýapkershilikke tartýdyń qiyndyqtaryn ataǵan bolatyn.
«Valiýtalyq túsimdi qaitarmaǵany úshin qylmystyq jaýapkershilik QR QK-niń tek bir ǵana babynda qarastyrylǵan. Alaida, osy baptyń ózimen jaýapkershilikke tartý problemaly bolyp otyr. Sebebi kináli adamnyń piǵylyn dáleldeýdiń qiyndyǵy turǵysynda, baptyń redaktsiiasy osy qubylyspen tolyqqandy kúresýge múmkindik bermeidi», - degen edi Dildábekov valiýtalyq baqylaý máselesine arnalǵan jiynda.
