Mádeniet jáne sport ministri Aqtoty Raiymqulova týristik maqsatta aldyn ala alynǵan biletterdiń aqshasy ielerine tolyǵymen qaitarylatynyn málimdedi, dep habarlaidy QazAqparat.
«Bizdiń bilet alǵan azamattardyń búgin ózderiniń biletterin kassalarǵa, alǵan jerlerine ótkizýine múmkindik bar. Olardyń aqshalary qaitaryp beriledi. Týrister máselesi de kúrdeli suraq. Bizdiń azamattarymyz shetelge shyǵatyndai aldyn ala biletterin alyp alady. Áýe biletteri men ózderiniń týristik joldamalaryn da aldyn ala alady. Búgin de bul máseleni birneshe satyǵa bólip otyrmyz. Birinshi saty – týristerdiń áýe biletteri. Azamattyq aviatsiia komitetinen usynys tústi. Bizdiń týristerdiń alǵan áýe biletteriniń bárin qarjylaryn ustamai, aiyppuldar almai 100 paiyz qaitarýǵa múmkindik beriledi», - dedi Aqtoty Raiymqulova OKQ-da ótken baspasóz máslihatynda.
Ministr týristik paketter jaily sóz qozǵai kele «Qamqor» atty qor baryn eske saldy. Sol qordyń óziniń jinalǵan qarjysyna orai osy týrpaketterge qatysty agenttiktermen, operatorlarmen jumys júrgizilýde.
«Eń aldymen osy «Qamqor» qorynda týristik agenttikter men operatorlar osy qordyń músheliginde bolýy kerek. Ekinshi jaǵdai - búgingi kúnde «Atameken» palatasymen aqyldasyp jatyrmyz. Osy týristik agenttikter men operatorlardyń qarjylyq shyǵyndaryn ornyna keltirý úshin qandai da bir sharalar qarastyrylýda. Sonymen qatar, týristik paketterdi alǵanda onyń eki bóligi bar. Onyń bireýi áýe bileti, ekinshisi qonaqúide jatý. Ol, árine, eń aldymen týrpaketti alyp jatqan azamat pen operatordyń arasyndaǵy qarym-qatynas sharttaryna bailanysty bolyp otyr. Sondyqtan, árbir azamat osy qarym-qatynas sharttaryna qol qoiǵanda ishin qarap oqyp, óz qarjylaryn alady dep oilaimyz», - dedi ol.
