مەدەنيەت جەنە سپورت مينيسترٸ اقتوتى رايىمقۇلوۆا تۋريستٸك ماقساتتا الدىن الا الىنعان بيلەتتەردٸڭ اقشاسى يەلەرٸنە تولىعىمەن قايتارىلاتىنىن مەلٸمدەدٸ, دەپ حابارلايدى قازاقپارات.
«بٸزدٸڭ بيلەت العان ازاماتتاردىڭ بٷگٸن ٶزدەرٸنٸڭ بيلەتتەرٸن كاسسالارعا, العان جەرلەرٸنە ٶتكٸزۋٸنە مٷمكٸندٸك بار. ولاردىڭ اقشالارى قايتارىپ بەرٸلەدٸ. تۋريستەر مەسەلەسٸ دە كٷردەلٸ سۇراق. بٸزدٸڭ ازاماتتارىمىز شەتەلگە شىعاتىنداي الدىن الا بيلەتتەرٸن الىپ الادى. ەۋە بيلەتتەرٸ مەن ٶزدەرٸنٸڭ تۋريستٸك جولدامالارىن دا الدىن الا الادى. بٷگٸن دە بۇل مەسەلەنٸ بٸرنەشە ساتىعا بٶلٸپ وتىرمىز. بٸرٸنشٸ ساتى – تۋريستەردٸڭ ەۋە بيلەتتەرٸ. ازاماتتىق اۆياتسييا كوميتەتٸنەن ۇسىنىس تٷستٸ. بٸزدٸڭ تۋريستەردٸڭ العان ەۋە بيلەتتەرٸنٸڭ بەرٸن قارجىلارىن ۇستاماي, ايىپپۇلدار الماي 100 پايىز قايتارۋعا مٷمكٸندٸك بەرٸلەدٸ», - دەدٸ اقتوتى رايىمقۇلوۆا وكق-دا ٶتكەن باسپاسٶز مەسليحاتىندا.
مينيستر تۋريستٸك پاكەتتەر جايلى سٶز قوزعاي كەلە «قامقور» اتتى قور بارىن ەسكە سالدى. سول قوردىڭ ٶزٸنٸڭ جينالعان قارجىسىنا وراي وسى تۋرپاكەتتەرگە قاتىستى اگەنتتٸكتەرمەن, وپەراتورلارمەن جۇمىس جٷرگٸزٸلۋدە.
«ەڭ الدىمەن وسى «قامقور» قورىندا تۋريستٸك اگەنتتٸكتەر مەن وپەراتورلار وسى قوردىڭ مٷشەلٸگٸندە بولۋى كەرەك. ەكٸنشٸ جاعداي - بٷگٸنگٸ كٷندە «اتامەكەن» پالاتاسىمەن اقىلداسىپ جاتىرمىز. وسى تۋريستٸك اگەنتتٸكتەر مەن وپەراتورلاردىڭ قارجىلىق شىعىندارىن ورنىنا كەلتٸرۋ ٷشٸن قانداي دا بٸر شارالار قاراستىرىلۋدا. سونىمەن قاتار, تۋريستٸك پاكەتتەردٸ العاندا ونىڭ ەكٸ بٶلٸگٸ بار. ونىڭ بٸرەۋٸ ەۋە بيلەتٸ, ەكٸنشٸسٸ قوناقٷيدە جاتۋ. ول, ەرينە, ەڭ الدىمەن تۋرپاكەتتٸ الىپ جاتقان ازامات پەن وپەراتوردىڭ اراسىنداعى قارىم-قاتىناس شارتتارىنا بايلانىستى بولىپ وتىر. سوندىقتان, ەربٸر ازامات وسى قارىم-قاتىناس شارتتارىنا قول قويعاندا ٸشٸن قاراپ وقىپ, ٶز قارجىلارىن الادى دەپ ويلايمىز», - دەدٸ ول.
