Tsifrlyq damý, innovatsiialar jáne aeroǵarysh ónerkásibi ministrliginiń ókilderi Halyqqa qyzmet kórsetý ortalyqtaryndaǵy uzyn-sonar kezektiń sebebin túsindirdi, dep habarlaidy Sputnik Qazaqstan.
Ministrliktiń memlekettik qyzmetter komitetiniń tóraǵasy Dáýlet Bekmanovtyń aitýynsha, qazir reseilikter bank shottaryn ashý úshin Halyqqa qyzmet kórsetý ortalyqtarynda kezekte tur.
"JSN eki másele úshin beriledi. Birinshisi Qazaqstannan jyljymaityn múlik satyp alatyn bolsa, ekinshisi – bankten shot ashsa. Qazir barlyǵy shot ashý úshin JSN alyp jatyr. Óitkeni biz kúnde dúkenge baramyz, taksi aqysyn tóleimiz. Sol úshin shot kerek", - dep túsindirdi ol.
JSN bir ret beriledi. Ony Qazaqstanǵa kelgen saiyn rásimdeýdiń qajeti joq. Sondai-aq, onyń aitýynsha, sheteldikterdi ákimshilik jaýapqa tartý úshin de JSN qajet.
"Azamattarǵa arnalǵan úkimet" KEAQ basqarma tóraǵasy Súienish Ábdildin jyl basynan beri HQKO-larǵa JSN berý boiynsha rezident emes tulǵalardan 320 myńnan astam ótinim túskenin málimdedi. Sonyń ishinde 97 myń ótinim Resei azamattarynan qabyldanǵan. Máselen keshe, 26 qyrkúiekte respýblika boiynsha JSN rásimdeýge 13 myńnan asa ótinim tústi.
