Almatynyń Sanitarlyq-epidemiologiialyq baqylaý departamenti sheteldikter Qazaqstanda koronavirýsqa qarsy vaktsinany aqsha tólep saldyra alady degen aqparatty joqqa shyǵardy.
«BAQ-ta sheteldik azamattardyń vaktsina saldyrýyna qatysty tarap ketken qate aqparat boiynsha mynany habarlaimyz: buǵan internettiń nasharlaýy sebep boldy. Iaǵni, BAQ ókilderimen onlain kezdesý barysynda áńgime zerthanalarda jasalatyn PTR-testtiń baǵasy - 8025 teńge týraly bolǵan. Zerthanalar vaktsina salýmen ainalyspaidy. Sondyqtan bul vaktsinanyń baǵasy degen qate aqparat tarap ketken», - dep habarlady vedomstvadan.
Sonymen qatar, departament ókilderi Qazaqstanda koronavirýsqa qarsy vaktsinatsiia tegin júrgiziletinin málim etti.
Sonymen qatar, vaktsina saldyrýǵa turǵylyqty mekenjaiy bar, onyń ishinde, shetel azamattary eńbek migranttary, bosqyndar men qandastardyń quqyǵy bar.
Ýaqytsha turyp jatqan azamattar vaktsina saldyra almaidy.
