Sheteldik jumys kúshi negizinen Túrkiia, Qytai, Úndistan, Ózbekstan jáne Ulybritaniiadan keledi. Bul týraly Eńbek jáne halyqty áleýmettik qorǵaý ministri Birjan Nurymbetov málim etti, dep habarlaidy QazAqparat.
«Bizdiń elge shetelden jumys kúshin tartýdyń eki kózi bar. Birinshisinde - shetel mamandary kompaniialar men mekemelerke tartylsa, ekinshisinde – jeke adamdar, iaǵni Qazaqstannyń azamattary óziniń jeke sharýashylaǵyna tartady. Kompaniialarǵa tartýǵa qatysty toqtalsaq, bul jerde memlekettik saiasattyń negizgi basymdyǵy – ishki eńbek naryǵyn qorǵaý. Sondyqtan kvota sekildi tetikter iske qosylǵan. Kvota - ol bizdiń elimizde sheteldik jumys kúshine ruqsat berýdiń shegi», - dedi B. Nurymbetov Parlament Senatynda shetelden jumys kúshin tartý taqyrybyna arnalǵan keńeste.
Onyń sózine qaraǵanda, qazirgi tańda elimizde 19 myń sheteldik jumys kúshi qyzmet etýde. Sonyń arasynda 111 memlekettiń ókili bar.
«Jumysqa tartylǵandardyń basym bóligi, iaǵni 64 paiyzy qurylys, taý-ken jáne óńdeý ónerkásibi salalarynda jumys isteidi. Negizgi kelýshi elder retinde Túrkiia, Qytai, Úndistan, Ózbekstan jáne Ulybritaniia tirkelgen. Kompaniia shetel jumys kúshin tartqannan keiin, ol mindetti túrde jergilikti biýdjetke salym tóleýi (ár mamanǵa 363 myńnan 662 myń teńgege deiin) kerek. Byltyr jumys berýshiler (ruqsat alǵany úshin) 19 myń adamǵa 8,2 mlrd teńge mólsherinde salymyn tóledi. Shetel jumys kúshterin tartyp jatqan kompaniialardyń sany 2 400-di qurady. Dál sol mekemelerde Qazaqstannyń azamattary kadrlyq jaǵynan 96 paiyzdan tómen emes», - dedi ministr.
