2017 jyldan bastap sheteldik serialdar men baǵdarlamalarǵa zań júzinde shekteýler qoiylady. Bul týraly búgin elimizdiń Aqparat jáne kommýnikatsiialar ministrliginiń jaýapty hatshysy Janat Qojahmetov málimdedi.
Májiliste ótken jiynda depýtattar aldaǵy úsh jyldy qamtityn respýblikalyq biýdjetti talqylaý barysynda kórshilerden keletin teleónimder máselesin kóterdi.
Depýtat Fahriddin Qarataevtyń aitýynsha, kógildir ekrandarda mentalitetimizge áser etetin týyndylar qaptap ketken. Olardy qadaǵalaý boiynsha jumystar qajetti deńgeide emes.
Fahriddin Qarataev, QR Parlamenti Májilisiniń depýtaty:
- Otandyq telehikaialarǵa nemese jasóspirimderdi patriottyq sezimge bóleitin baǵdarlamalardyń joqtyǵy ma, nemese biýdjetten bólinetin qarajattyń azdyǵy ma?
Janat Qojahmetov, QR Aqparat jáne kommýnikatsiia ministrliginiń jaýapty hatshysy:
- Rasymen de, otandyq telehikaialarǵa qatysty mundai problema bar. Qazir ministrlik bul máseleni sheshý joldaryn qarastyryp jatyr. Jospardaǵy zań jobasynda sheteldik telearnalardan keletin túrli ónimge shekteý qoiý qarastyrylǵan. Al qarjy jaǵyna keletin bolsaq, 2017 jylǵa arnalǵan biýdjette «Habar» jáne «Qazaqstan» telearnalarynyń bazasynda 81 otandyq telehikaia men 17 derekti film túsirý qarastyrylǵan.
Derekkóz: "Habar" arnasy
