Sýret ashyq derekkózden alyndy
27 qańtardan bastap mindetti tehnikalyq baiqaýdyń biryńǵai aqparattyq júiesiniń operatory Qazaqstannyń barlyq aýmaǵynda sheteldik avtokólik quraldaryna tehnikalyq tekserýden ótý múmkindigin qamtamasyz etedi, dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
Bul rette sheteldik nómirli avtokóliktiń ieleri nemese júrgizýshileri 1815 tehnikalyq tekserý ortalyǵynyń kez kelgeninen mindetti tehnikalyq baiqaýdan óte alady.
Atalǵan ortalyqtardyń mekenjailary men jumys ýaqyty vedomstvonyń miid.gov.kz saitynda (qujattar bóliminde) jariialanǵan tizimde kórsetilgen.
Eske sala keteiik, byltyr 30-shy jeltoqsanda «Qazaqstan Respýblikasynyń keibir zańnamalyq aktilerine Memleket basshysynyń jekelegen tapsyrmalaryn iske asyrý máseleleri boiynsha ózgerister men tolyqtyrýlar engizý týraly» QR Zańyna qol qoiylǵan edi.
Soǵan sáikes «Jol qozǵalysy týraly» Zańynda qarastyrylǵan 88-baptyń 1-bóligine basqa memleketterde tirkelgen avtokólik quraldary Qazaqstan Respýblikasynyń aýmaǵyna ákelingen nemese kirgen sáttten bastap, 90 kúntizbelik kún asqan boida mindetti tehnikalyq baiqaýdan ótkizilýine bailanysty tolyqtyrýlar engizilgen bolatyn.
