Foto: © RIA Novosti / Pavel Lisitsyn
Ákimshilik politsiia komitetiniń tóraǵasy Qaisar Sultanbaev Qazaqstan azamaty mingen sheteldik kólik qai kezde aiyppul turaǵyna qoiylatynyn túsindirdi, dep habarlaidy Sputnik Qazaqstan.
Qazaqstanda sheteldik kólikterdi zańdastyrý sharalary aiaqtaldy. Al 2022 jyldyń 1 qyrkúieginen keiin ákelingen kólikterge eshqandai jeńildik jasalmaidy.
"Budan bylai el aýmaǵynda sheteldik avtokólikterdi zańsyz ákelý men paidalanýdyń joldaryn boldyrmaý úshin sharalar qabyldanady. Máselen, osy jyldyń 12 qańtarynan bastap zańnamalyq ózgeristerge sáikes, Qazaqstan azamattary sheteldik avtokólikterine avtosaqtandyrý shartyn jasai almaidy", - dedi Sultanbaev ortalyq kommýnikatsiialar qyzmetinde ótken brifingte.
Al saqtandyrý polisi joq kólikti tizgindegeni úshin 10 ailyq eseptik kórsetkish kóleminde aiyppul salynady.
"Sondai-aq, atalǵan jaǵdailarda politsiia qyzmetkerleri avtokólikterdi ustap, olardy arnaiy avtoturaqtarǵa jetkizýge quqyly. Qazirgi ýaqytta ishki ister ministrligi halyq arasynda tiisti túsindirý jumystaryn júrgizip jatyr", - dep atap kórsetti komitet basshysy.
