Almatyda S.Asfendiiarov atyndaǵy Qazaq ulttyq meditsinalyq ýniversiteti «COVID-19 kezindegi alǵashqy meditsinalyq sanitarlyq kómektiń róli» atty ǵylymi konferentsiia ótkizdi. Onlain suhbat alańyna sheteldik mamandar koronavirýspen kúreste jinaqtaǵan tájiribelerimen bólisti, dep habarlaidy QazAqparat.
Aita ketý kerek, ǵylymi konferentsiia akademik, ǵalym Qazaqstan Taǵamtaný institýtynyń prezidenti Tóregeldi Sharmanovtyń 90 jyldyq mereitoiyna arnap uiymdastyryldy.
Sessiia barysynda AQSh-taǵy Densaýlyqty baǵalaý jáne kórsetkishter institýtynyń direktory Kristofer Miýrrei baiandama oqydy.
Amerikandyq ǵalym COVID-19 Qazaqstanǵa qatysty boljamyn aitty.
Kristofer Miýrrei COVID-19 boljamyn modeldeýmen ainalysady. Onyń modeldeý jumysy búkil álemniń qyzyǵýshylyǵyn týdyryp otyr.
Kristofer Miýrrei AQSh taǵy COVID-19 100 paiyzdyq yqtimal modelin jasap shyǵarǵan.
Osy maqsatta ol kúndelikti shyǵyp jatqan naýqastar sanyna, ólim jitim kórsetkishine, ár elde engizilip jatqan shekteý sharalaryna qatysty maǵlumat jinap jatyr.
Kristofer Miýrreidiń boljaýynsha, álemde aýrýdyń sharyqtaý shegi 1 aqpanda bolmaq.
Qazaqstanda virýstyń belsendi taralýy 2021 jyldyń naýryzynda bolady.
«Jahandyq deńgeide 1 aqpanda COVID-19-dan bolatyn ólim kúnine 30 myńǵa jetedi dep otyrmyz. Eýropada 100 adamǵa shaqqanda ólim kórsetkishi 7500 bolady. Qazaqstanda aýrýdyń sharyqtaý shegi shildede boldy. Qysta bul kórsetkish keshirek aqpannyń aiaǵy, naýryzdyń basynda bolady dep boljap otyrmyz», - dedi Kristofer Miýrrei.
Sarapshy álem elderindegi mobildilik kartasy týraly aityp berdi.
Bul grafika uialy bailanys operatorlarynyń málimetteri boiynsha jasalǵan. Dinamikalyq kórsetkishte adamdardyń karantinge deiingi qozǵalysyna qalai qaityp kele jatqany kórsetilgen.
Qazaqstan bul kartada qyzyl túspen kórsetilgen.
Iaǵni, eldegi adamdardyń kóship qoný qarqyny áli de tómen ekenin kórsetse kerek.
Ásirese, Ortalyq Qazaqstan halqy tártipti ustanyp keledi.
«Qazaqstan ádettegi kórsetkishpen salystyrǵanda 10 paiyz ustap tur. Máselen Irlandiiada qazir qozǵalys 35 paiyzdy kórsetip tur. Ortalyq Aziianyń kóp elderi, Ortalyq jáne Shyǵys Eýropa elderinde áli de sol pandemiianyń sharyqtaý shegindegi qozǵalys kórsetkishi saqtalǵan», - dedi Kristofer Miýrrei.
