19 jeltoqsanynda Qazaqstan aýmaǵyna Germaniia, Shveitsariia, Mysyr, Túrkiia, BAÁ, Resei, Belarýs, Qyrǵyzstan jáne Ózbekstannan 18 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetiniń aqparatyna sáikes, barlyǵy 2 008 jolaýshy ushyp kelgen. Onyń ishinde PTR-testileýdiń teris nátijesi bar anyqtamamen - 1 771 adam, anyqtamasyz – 237 adam (barlyǵy QR azamattary).
Onyń ishinde:
- Almaty qalasynyń áýejaiyna – barlyǵy 13 reis, 1 331 jolaýshy keldi. Anyqtamamen – 1 183, anyqtamasyz - 148;
- Nur-Sultan qalasynyń áýejaiyna – 4 reis, 499 jolaýshy, anyqtamamen - 438; anyqtamasyz - 61;
- Qostanai qalasynyń áýejaiyna – 1 reis, 178 jolaýshy, anyqtamamen - 150; anyqtamasyz - 28.
«Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde.
18 jeltoqsanda anyqtamasyz kelgen Qazaqstannyń 210 azamatynyń PTR-taldaýlarynyń nátijeleri boiynsha Ystanbul – Nur-Sultan reisimen kelgen 2 jolaýshydan koronavirýs infektsiiasy anyqtaldy», - delingen komitet málimetinde.
