Nursultan qalasynda «Otandastar qory» kommertsiialyq emes aktsionerlik qoǵamy janynan qurylǵan Qoǵamdyq komissiianyń kezekti otyrysy ótkizilip, onda repatriatsiia protsesterin retteý máseleleri qaraldy, dep habarlaidy "Ult aqparat".
Sondai-aq, QR Syrtqy ister ministrliginiń sheteldegi qazaqtardy qoldaý jónindegi sharalar týraly aqparaty men Otandastar Qorynyń 2019 jylǵy jumys qorytyndysy tyńdaldy.
«Otandastar qorynyń» vitse-prezidenti Maǵaýiia Sarbasov «Sheteldegi qazaqtardy jáne repatriatsiiany qoldaý baǵytynda iske asyrylyp jatqan jobalardyń biri - álem boiynsha jumys isteitin, barlyq mádeni-iskerlik ortalyqtardy (qazirgi kezde álem boiynsha 250-den astam) biriktiretin, «Qazaq úii» jobasyn atap ótti. «Qazaq úii» – úkimettik emes, saiasattan tys jáne kommertsiialyq emes joba jáne 4 baǵytta qyzmet atqarady, olar: «Abai» mádeni ortalyǵy, «Atameken» iskerlik úii, «Jas Qazaq» jastar klýby jáne «Atajurt» sheteldik qazaq tildi buqaralyq aqparat quraldary qaýymdastyǵy.
Sheteldegi qandastarymyzǵa qoldaý kórsetý maqsatynda qurylǵan «Otandastar qorynyń» bastamasymen elimizge kóship keletin syrttaǵy qazaqtardyń qujattaryn, memleketten beriletin kómekterdi rásimdeitin bir tereze qaǵidaty engizilmek.
Pilottyq joba Mońǵoliiadaǵy Qazaqstan elshiliginde júzege asqaly otyr. Osy memlekettegi qandastarymyzdyń barlyq qujattary elshiligimiz arqyly rettelip, atamekenge kelý úrdisi jeńildetilmek. Bul joba birtindep, barlyq álemdegi qazaqtar turatyn shetelderde qolǵa alynady. Osylaisha, «Otandastar qory» sońǵy jyldary saiabyrsyǵan kóshti qaita jandandyrýǵa yqpal etpek.
.jpeg)