20 maýsymnan bastap Qazaqstan Túrkiiaǵa áýe reisterin qaita jandandyrdy. Osyǵan orai Qazaqstannyń kóliktegi bas sanitarlyq dárigeri Sádýaqas Baiǵabylov shetelden kelgen azamattar qandai erejeleri saqtaý tiistigin túsindirip berdi, dep habarlaidy QazAqparat.
«Áýe reisteri elderdiń sanatyn esker otyryp, kezeń-kezeńimen qaita jandanady. Birinshi sanatqa ońtústik Koreia, Japoniia, Grýziia, Tailand jáne Qytai Halyq Respýblikasy kiredi. Ázirshe Qytaiǵa áýe reisteri ashylmaidy, keiinge qaldyrdyq. Sebebi bul elde aýrýǵa shaldyǵýdyń ekinshi tolqyny júrip jatyr. Birinshi sanatqa kiretin elderge shekteý joq. Bul elderde jaǵdai turaqty. Sol sebepti azamattardan termometriia men saýalnamadan ǵana ótedi degen sheshim qabyldanǵan», - dedi ol.
Onyń atap ótýinshe, ekinshi sanattaǵy elderdiń qataryna Túrkiia kiredi. Bul elden kelgen jolaýshylardyń qolynda koronavirýs infektsiiasyna test tapsyrǵany týraly anyqtamasy bolýy tiis. Al anyqtamasy joq azamattarǵa 48 saǵattyń ishinde PTR ádisimen test tapsyrý týraly eskertý beriledi. Eger azamat osy ýaqyttyń ishinde atalǵan testini tapsyrmasa, onda ákimshilik shara qoldanylady.
Úshinshi sanatqa kiretin Ázerbaijan, Ulybritaniia, Irak, AQSh, Chehiia synda elderge ázirshe ushaq ushpaidy. Sebebi bul elderdegi ahýal turaqsyz
«20 maýsymnan bastap Túrkiiamen arada áýe reisteri ashylyp, osy ýaqytta 6 reis orynaldy. Bul kúnderi elimizge shamamen 905 jolaýshy keldi. Olardyń ishinde 203 jolaýshyda koronavirýs infektsiiasyna testiden ótkendigi týraly anyqtamasy boldy. Qalǵan jolaýshylarǵa koronavirýsty anyqtaityn testen ótý qajettigi týraly eskertý berildi. Buǵan qosa, kelgen azamattardyń barlyǵynyń dene qyzýy ólshenip, saýalnama toltyryldy. Saýalnama kelýshilerdiń biri aýyryp qalǵan jaǵdaida onymen bailanysta bolǵan adamdardy tez arada anyqtaý úshin júrgiziledi. Aldaǵy ýaqytta epidemiologiialyq ahýal jaqsaratyn bolsa, onda ózge eldermen aradaǵy áýe reisterin qaita ashý máselesi qarastyrylady», - dedi Sádýaqas Baiǵabylov.
Qazaqstannyń kóliktegi bas sanitar dárigeri áýe kóligimen kelgen jolaýshyda dene qyzýy bolsa 14 kúnge oqshaýlanatynyn ári staitsionarlyq karantinge jatqyzylatynyn aitty.
