Búgin Astanada Kóshi-qon salasyn ońtailandyrý jáne tsifrlandyrý boiynsha arnaiy brifing ótti. Baspasóz máslihaty barysynda QR IIM Kóshi-qon qyzmeti komiteti tóraǵasynyń orynbasary Galina Sársenbaeva elimizge keletin shetel azamattary men qandastarymyz bir saǵatta JSN ala alatynyn aitty, dep habarlaidy Baq.kz agenttigi.
«Kelesi jyldan bastap kórsetiletin jańa qyzmetterge toqtalǵym keledi. Kelesi jyldan bastap biz ýaqytsha keletin sheteldikterge jeke sáikestendirý nómirin (JSN) resimdeitin bolamyz. JSN olarǵa elimizde biznes júrgizý, kelisimder men salyq tóleý úshin qajet», - deidi Galina Sársenova.
Onyń aitýyna qaraǵanda, buryn shetten kelgen qandastarymyz Qazaqstanda JSN alý úshin salyq organdaryna júginetin jáne ol jerden atalǵan qujatty alý úshin keminde 5 jumys kúni ótkenshe kútetin. Endi olai bolmaidy.
«Biz atalǵan qyzmet bir saǵattyń ishinde iske asyrylady dep josparlap otyrmyz. Qazirgi kezde Ishki ister ministrligi men halyqqa qyzmet kórsetý ortalyqtarynyń aqparattyq júiesi jetildirilip jatyr. Jańa jyldan bastap bul jumysqa tolyqtai kirisemiz», - deidi ol.
Sonymen qatar Galina Sársenova HQKO-da jalpy kóshi-qon politsiiasy jelisi boiynsha 11 qyzmet kórsetiletinin, aldaǵy ýaqytta bulardyń qataryn kóbeitetinin aitty.
«Sońǵy 2 jyl ishinde biz HQKO arqyly 4 memlekettik qyzmetti qosymsha kórsete bastadyq. Olardyń qatarynda: shetelge turǵylyqty turý úshin shyǵý qujattaryn resimdeý; shetelge ata-anasymen birge shyǵý úshin balalardyń fotosýretterin ata-anasynyń pasportyna jabystyrý; eńbek migranttaryna ruqsat berý jáne ony uzartý; Qazaqstanda turǵylyqty turatyn sheteldiktiń yqtiiarhatyn jáne azamattyǵy joq adamnyń kýáligin berý qamtylǵan. Aldaǵy ýaqytta bul qyzmetterdiń qataryna taǵy da birneshe qyzmet qosylatyn bolady», - dedi Galina Sársenova.
Kóshi-qon qyzmeti komiteti tóraǵasynyń orynbasarynyń aitýyna qaraǵanda bunyń barlyǵy elge kelgen sheteldikterdiń ýaqytyn únemdeý, tezirek qujattandarý úshin jasalyp jatqan sharýa.
"Bul turǵyda Qazaqstanda turaqty turatyn sheteldikter Qazaqstandaǵy turǵylyqty jerin aýystyrǵan jaǵdaida HQKO-ǵa baryp, qyzmet alatynyn bilý mańyzdy. Buǵan deiin sheteldik basqa óńirge kóshken kezde kóshi-qon qyzmetinen arnaiy ruqsat alýy qajet bolatyn. Odan keiin kóship ketken soń basqa óńirde tirkelýi kerek. Bunyń barlyǵy birneshe kúndi qajet etetin. Endi burynǵy mekenjaidan shyǵý avtomatty túrde júrgiziledi, iaǵni jańa turǵylyqty jeri boiynsha halyqqa qyzmet kórsetý ortalyǵyna barý jetkilikti" - deidi ol.
