بٷگٸن استانادا كٶشٸ-قون سالاسىن وڭتايلاندىرۋ جەنە تسيفرلاندىرۋ بويىنشا ارنايى بريفينگ ٶتتٸ. باسپاسٶز مەسليحاتى بارىسىندا قر ٸٸم كٶشٸ-قون قىزمەتٸ كوميتەتٸ تٶراعاسىنىڭ ورىنباسارى گالينا سەرسەنباەۆا ەلٸمٸزگە كەلەتٸن شەتەل ازاماتتارى مەن قانداستارىمىز بٸر ساعاتتا جسن الا الاتىنىن ايتتى, دەپ حابارلايدى Baq.kz اگەنتتٸگٸ.
«كەلەسٸ جىلدان باستاپ كٶرسەتٸلەتٸن جاڭا قىزمەتتەرگە توقتالعىم كەلەدٸ. كەلەسٸ جىلدان باستاپ بٸز ۋاقىتشا كەلەتٸن شەتەلدٸكتەرگە جەكە سەيكەستەندٸرۋ نٶمٸرٸن (جسن) رەسٸمدەيتٸن بولامىز. جسن ولارعا ەلٸمٸزدە بيزنەس جٷرگٸزۋ, كەلٸسٸمدەر مەن سالىق تٶلەۋ ٷشٸن قاجەت», - دەيدٸ گالينا سەرسەنوۆا.
ونىڭ ايتۋىنا قاراعاندا, بۇرىن شەتتەن كەلگەن قانداستارىمىز قازاقستاندا جسن الۋ ٷشٸن سالىق ورگاندارىنا جٷگٸنەتٸن جەنە ول جەردەن اتالعان قۇجاتتى الۋ ٷشٸن كەمٸندە 5 جۇمىس كٷنٸ ٶتكەنشە كٷتەتٸن. ەندٸ ولاي بولمايدى.
«بٸز اتالعان قىزمەت بٸر ساعاتتىڭ ٸشٸندە ٸسكە اسىرىلادى دەپ جوسپارلاپ وتىرمىز. قازٸرگٸ كەزدە ٸشكٸ ٸستەر مينيسترلٸگٸ مەن حالىققا قىزمەت كٶرسەتۋ ورتالىقتارىنىڭ اقپاراتتىق جٷيەسٸ جەتٸلدٸرٸلٸپ جاتىر. جاڭا جىلدان باستاپ بۇل جۇمىسقا تولىقتاي كٸرٸسەمٸز», - دەيدٸ ول.
سونىمەن قاتار گالينا سەرسەنوۆا حقكو-دا جالپى كٶشٸ-قون پوليتسيياسى جەلٸسٸ بويىنشا 11 قىزمەت كٶرسەتٸلەتٸنٸن, الداعى ۋاقىتتا بۇلاردىڭ قاتارىن كٶبەيتەتٸنٸن ايتتى.
«سوڭعى 2 جىل ٸشٸندە بٸز حقكو ارقىلى 4 مەملەكەتتٸك قىزمەتتٸ قوسىمشا كٶرسەتە باستادىق. ولاردىڭ قاتارىندا: شەتەلگە تۇرعىلىقتى تۇرۋ ٷشٸن شىعۋ قۇجاتتارىن رەسٸمدەۋ; شەتەلگە اتا-اناسىمەن بٸرگە شىعۋ ٷشٸن بالالاردىڭ فوتوسۋرەتتەرٸن اتا-اناسىنىڭ پاسپورتىنا جابىستىرۋ; ەڭبەك ميگرانتتارىنا رۇقسات بەرۋ جەنە ونى ۇزارتۋ; قازاقستاندا تۇرعىلىقتى تۇراتىن شەتەلدٸكتٸڭ ىقتييارحاتىن جەنە ازاماتتىعى جوق ادامنىڭ كۋەلٸگٸن بەرۋ قامتىلعان. الداعى ۋاقىتتا بۇل قىزمەتتەردٸڭ قاتارىنا تاعى دا بٸرنەشە قىزمەت قوسىلاتىن بولادى», - دەدٸ گالينا سەرسەنوۆا.
كٶشٸ-قون قىزمەتٸ كوميتەتٸ تٶراعاسىنىڭ ورىنباسارىنىڭ ايتۋىنا قاراعاندا بۇنىڭ بارلىعى ەلگە كەلگەن شەتەلدٸكتەردٸڭ ۋاقىتىن ٷنەمدەۋ, تەزٸرەك قۇجاتتاندارۋ ٷشٸن جاسالىپ جاتقان شارۋا.
"بۇل تۇرعىدا قازاقستاندا تۇراقتى تۇراتىن شەتەلدٸكتەر قازاقستانداعى تۇرعىلىقتى جەرٸن اۋىستىرعان جاعدايدا حقكو-عا بارىپ, قىزمەت الاتىنىن بٸلۋ ماڭىزدى. بۇعان دەيٸن شەتەلدٸك باسقا ٶڭٸرگە كٶشكەن كەزدە كٶشٸ-قون قىزمەتٸنەن ارنايى رۇقسات الۋى قاجەت بولاتىن. ودان كەيٸن كٶشٸپ كەتكەن سوڭ باسقا ٶڭٸردە تٸركەلۋٸ كەرەك. بۇنىڭ بارلىعى بٸرنەشە كٷندٸ قاجەت ەتەتٸن. ەندٸ بۇرىنعى مەكەنجايدان شىعۋ اۆتوماتتى تٷردە جٷرگٸزٸلەدٸ, ياعني جاڭا تۇرعىلىقتى جەرٸ بويىنشا حالىققا قىزمەت كٶرسەتۋ ورتالىعىنا بارۋ جەتكٸلٸكتٸ" - دەيدٸ ول.
