Foto: videodan alynǵan kadr
Biyl 25 sáýirde Astana qalasynyń qylmystyq ister jónindegi mamandandyrylǵan aýdanaralyq soty zańnamada kózdelgen alymdar men tólemderdi tólemei, shetelden ákelingen avtokólikterdi tirkeý esebine zańsyz qoiýmen ainalysatyn arnaiy HQKO (Halyqqa qyzmet kórsetý ortalyǵy) mamandary men politsiia qyzmetkerlerine jáne azamattyq tulǵalarǵa qatysty úkim jariialady, - dep habarlaidy «Ult aqparat» Antikorǵa silteme jasap.
«Olar uiymdasqan top quryp, basshylyq jasaý, memleketke zalal keltirý, «Web-Modýl» QKO» jáne «HQKO IAJ» aqparattyq júielerinde kólik quraldary týraly málimetterdi zańsyz engizý jáne joiý, mámilelerdiń jazbasha nysandaryn qoldan jasaý boiynsha aiypty dep tanyldy. 2022 jyldyń qańtarynan mamyryna deiin qylmystyq top shetelden ákelingen 462 avtokólikti zańsyz tirkegen. Memleketke keltirilgen jalpy shyǵyn 1,2 mlrd teńgeni quraidy», - dep habarlaidy Antikor.
Sot úkimimen 32 adam sottalǵan. Onyń ishinde qylmystyq toptyń uiymdastyrýshylary - Astana qalasynyń №2 mamandandyrylǵan HQKO basshysy Sh.Bókebaev pen Astana qalasynyń Arnaiy HQKO mamandary A. Tam-Ogly men H. Tam-Ogly 9 jylǵa bas bostandyǵynan aiyryldy, toptyń 5 qatysýshysyna 6 jyl bas bostandyǵynan aiyrý, al 17 «kómekshige» bas bostandyǵynan aiyrý jáne shekteý túrindegi jaza taǵaiyndalǵan.
«Sondai-aq, 7 adam 2 jyl 6 aidan bastap bas bostandyǵyn shekteýden 3 jyl 6 aiǵa deiin bas bostandyǵynan aiyrý jazasyna kesildi. Olar arnaiy ataqtarynan jáne ómir boiy memlekettik qyzmette qyzmet etý quqyǵynan aiyryldy. Sot protsesi Astana qalasy Politsiia departamentiniń jeke quramynyń, sondai-aq Astana qalasy Arnaiy HQKO qyzmetkerleriniń qatysýymen ótti», - delingen habarlamada.
Úkim zańdy kúshine engen joq.
Sonymen qatar, tergeý barysynda arnaiy HQKO mamany kólik quraldary ieleriniń qoltańbalaryn qoldan jasaý faktileri avtokólikterdi satyp alý-satý mámileleriniń jazbasha nysandarynda anyqtaldy.
Qylmystyq-protsestik kodekstiń 200-baby tártibinde engizilgen «Azamattarǵa arnalǵan úkimet» Memlekettik korporatsiiasy» KEAQ-ǵa usynymnyń nátijesinde avtomobilderdi tirkeý qaǵidalaryna avtokólik iesiniń ETsQ-kiltin mindetti túrde paidalana otyryp, mámilelerdiń elektrondyq nysanynan jazbasha nysandy alyp tastaý týraly ózgerister engizildi.
Mundai ózgeris avtokólikterdi satyp alý-satý shartyn jasasý kezinde avto ieleriniń qoldaryn qoldan jasaý bóliginde jemqorlyq táýekelderin boldyrmaidy.
Sonymen qatar, Arnaiy HQKO men IIM-de avtokólikti tirkeý boiynsha jańa aqparattyq júieler iske qosyldy. Ótinimderdi resimdeý jáne qaraý kezinde derekterdi túzetý úshin múmkindikter alynyp tastaldy. Endi tek ákimshilik politsiia komiteti ózgerister engize alady.
Ótinimderdi tirkeý rásimi jeńildetildi. Endi bul úshin tek JSN engizý qajet, al qalǵan derekter basqa aqparattyq júielerden avtomatty túrde toltyrylady. Bul rette júieniń ózi ekinshi deńgeidegi bankterdiń túbirtekterin, mindetti tólemderin jáne aiyppuldaryn tóleýdi tekseredi.
2022 jyly 9,4 myń avtokólikti tirkegeni úshin 10,6 mlrd teńge jinaldy, 2023 jyly zańdastyrýdy eskere otyryp, 10,2 myń avtokólikti tirkegen kezde 91,3 mlrd teńge tústi. Atalǵan táýekelderdi joiý nátijesinde ótken jyly biýdjetke túsken túsim 9 esege ulǵaidy.
Jalpy, jańa aqparattyq júielerdi engizý osy saladaǵy barlyq qyzmetke oń áserin tigizdi.
