فوتو: ۆيدەودان الىنعان كادر
بيىل 25 سەۋٸردە استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى زاڭنامادا كٶزدەلگەن الىمدار مەن تٶلەمدەردٸ تٶلەمەي, شەتەلدەن ەكەلٸنگەن اۆتوكٶلٸكتەردٸ تٸركەۋ ەسەبٸنە زاڭسىز قويۋمەن اينالىساتىن ارنايى حقكو (حالىققا قىزمەت كٶرسەتۋ ورتالىعى) ماماندارى مەن پوليتسييا قىزمەتكەرلەرٸنە جەنە ازاماتتىق تۇلعالارعا قاتىستى ٷكٸم جارييالادى, - دەپ حابارلايدى «ۇلت اقپارات» انتيكورعا سٸلتەمە جاساپ.
«ولار ۇيىمداسقان توپ قۇرىپ, باسشىلىق جاساۋ, مەملەكەتكە زالال كەلتٸرۋ, «Web-مودۋل» قكو» جەنە «حقكو ياج» اقپاراتتىق جٷيەلەرٸندە كٶلٸك قۇرالدارى تۋرالى مەلٸمەتتەردٸ زاڭسىز ەنگٸزۋ جەنە جويۋ, مەمٸلەلەردٸڭ جازباشا نىساندارىن قولدان جاساۋ بويىنشا ايىپتى دەپ تانىلدى. 2022 جىلدىڭ قاڭتارىنان مامىرىنا دەيٸن قىلمىستىق توپ شەتەلدەن ەكەلٸنگەن 462 اۆتوكٶلٸكتٸ زاڭسىز تٸركەگەن. مەملەكەتكە كەلتٸرٸلگەن جالپى شىعىن 1,2 ملرد تەڭگەنٸ قۇرايدى», - دەپ حابارلايدى انتيكور.
سوت ٷكٸمٸمەن 32 ادام سوتتالعان. ونىڭ ٸشٸندە قىلمىستىق توپتىڭ ۇيىمداستىرۋشىلارى - استانا قالاسىنىڭ №2 مامانداندىرىلعان حقكو باسشىسى ش.بٶكەباەۆ پەن استانا قالاسىنىڭ ارنايى حقكو ماماندارى ا. تام-وگلى مەن ح. تام-وگلى 9 جىلعا باس بوستاندىعىنان ايىرىلدى, توپتىڭ 5 قاتىسۋشىسىنا 6 جىل باس بوستاندىعىنان ايىرۋ, ال 17 «كٶمەكشٸگە» باس بوستاندىعىنان ايىرۋ جەنە شەكتەۋ تٷرٸندەگٸ جازا تاعايىندالعان.
«سونداي-اق, 7 ادام 2 جىل 6 ايدان باستاپ باس بوستاندىعىن شەكتەۋدەن 3 جىل 6 ايعا دەيٸن باس بوستاندىعىنان ايىرۋ جازاسىنا كەسٸلدٸ. ولار ارنايى اتاقتارىنان جەنە ٶمٸر بويى مەملەكەتتٸك قىزمەتتە قىزمەت ەتۋ قۇقىعىنان ايىرىلدى. سوت پروتسەسٸ استانا قالاسى پوليتسييا دەپارتامەنتٸنٸڭ جەكە قۇرامىنىڭ, سونداي-اق استانا قالاسى ارنايى حقكو قىزمەتكەرلەرٸنٸڭ قاتىسۋىمەن ٶتتٸ», - دەلٸنگەن حابارلامادا.
ٷكٸم زاڭدى كٷشٸنە ەنگەن جوق.
سونىمەن قاتار, تەرگەۋ بارىسىندا ارنايى حقكو مامانى كٶلٸك قۇرالدارى يەلەرٸنٸڭ قولتاڭبالارىن قولدان جاساۋ فاكتٸلەرٸ اۆتوكٶلٸكتەردٸ ساتىپ الۋ-ساتۋ مەمٸلەلەرٸنٸڭ جازباشا نىساندارىندا انىقتالدى.
قىلمىستىق-پروتسەستٸك كودەكستٸڭ 200-بابى تەرتٸبٸندە ەنگٸزٸلگەن «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كەاق-عا ۇسىنىمنىڭ نەتيجەسٸندە اۆتوموبيلدەردٸ تٸركەۋ قاعيدالارىنا اۆتوكٶلٸك يەسٸنٸڭ ەتسق-كٸلتٸن مٸندەتتٸ تٷردە پايدالانا وتىرىپ, مەمٸلەلەردٸڭ ەلەكتروندىق نىسانىنان جازباشا نىساندى الىپ تاستاۋ تۋرالى ٶزگەرٸستەر ەنگٸزٸلدٸ.
مۇنداي ٶزگەرٸس اۆتوكٶلٸكتەردٸ ساتىپ الۋ-ساتۋ شارتىن جاساسۋ كەزٸندە اۆتو يەلەرٸنٸڭ قولدارىن قولدان جاساۋ بٶلٸگٸندە جەمقورلىق تەۋەكەلدەرٸن بولدىرمايدى.
سونىمەن قاتار, ارنايى حقكو مەن ٸٸم-دە اۆتوكٶلٸكتٸ تٸركەۋ بويىنشا جاڭا اقپاراتتىق جٷيەلەر ٸسكە قوسىلدى. ٶتٸنٸمدەردٸ رەسٸمدەۋ جەنە قاراۋ كەزٸندە دەرەكتەردٸ تٷزەتۋ ٷشٸن مٷمكٸندٸكتەر الىنىپ تاستالدى. ەندٸ تەك ەكٸمشٸلٸك پوليتسييا كوميتەتٸ ٶزگەرٸستەر ەنگٸزە الادى.
ٶتٸنٸمدەردٸ تٸركەۋ رەسٸمٸ جەڭٸلدەتٸلدٸ. ەندٸ بۇل ٷشٸن تەك جسن ەنگٸزۋ قاجەت, ال قالعان دەرەكتەر باسقا اقپاراتتىق جٷيەلەردەن اۆتوماتتى تٷردە تولتىرىلادى. بۇل رەتتە جٷيەنٸڭ ٶزٸ ەكٸنشٸ دەڭگەيدەگٸ بانكتەردٸڭ تٷبٸرتەكتەرٸن, مٸندەتتٸ تٶلەمدەرٸن جەنە ايىپپۇلدارىن تٶلەۋدٸ تەكسەرەدٸ.
2022 جىلى 9,4 مىڭ اۆتوكٶلٸكتٸ تٸركەگەنٸ ٷشٸن 10,6 ملرد تەڭگە جينالدى, 2023 جىلى زاڭداستىرۋدى ەسكەرە وتىرىپ, 10,2 مىڭ اۆتوكٶلٸكتٸ تٸركەگەن كەزدە 91,3 ملرد تەڭگە تٷستٸ. اتالعان تەۋەكەلدەردٸ جويۋ نەتيجەسٸندە ٶتكەن جىلى بيۋدجەتكە تٷسكەن تٷسٸم 9 ەسەگە ۇلعايدى.
جالپى, جاڭا اقپاراتتىق جٷيەلەردٸ ەنگٸزۋ وسى سالاداعى بارلىق قىزمەتكە وڭ ەسەرٸن تيگٸزدٸ.
