«Otandastar» qory shet elderdegi etnikalyq qazaqtarǵa qoldaý kóretý jumystary týraly baiandady, dep habarlaidy QazAqparat.
«Otandastar» qorynyń vitse-prezidenti Maǵaýiia Sarbasovtyń aitýynsha, arnaiy Jol kartasy men Qordy damytý jospary bekitilgen.
«Josparǵa sáikes, sheteldegi qazaqtardy qoldaý men erikti qonys aýdarýy boiynsha memlekettik baǵdarlama ázirlenedi. Sheteldegi otandastardy memlekettik qoldaý týraly QR Zańy daiyndalady. Otandastarǵa aqparattyq qoldaý ortalyǵyń, dialog alańdarynyń jumysy uiymdastyrylady. Shet elde qazaq tilin úiretý boiynsha oqytý infraqurylymy jasalady», - dedi Maǵaýiia Sarbasov astanada «Adam jáne etnikalyq azshylyqtar quqyqtaryn qorǵaý» dóńgelek ústelinde.
Spikerdiń aitýynsha, qazir otandastardy qoldaý men olardy tarihi otanǵa qaitarý boiynsha ózge elderdiń tájiribesi zerttelip jatyr. Maqsatty saraptamalyq zertteýler júrgizilýde. Bul jumys nátijesinde naqty usynymdar, qorytyndy materialdar ázirlenedi jáne Aqparat jáne qoǵamdyq damý ministrligine usynylady.
Óz kezeginde, QR Aqparat jáne qoǵamdyq damý ministrligi eldegi etnikaaralyq qatynastardyń qalai retteletinin túsindirdi.
«Etnikaaralyq jáne konfessiiaaralyq kelisimdi saqtaý elimiz eń mańyzdy basymdyq bolyp qala beredi. Ministrlik qyzmeti arqyly etnikalyq BAQ-tarǵa qoldaý kórsetiledi. Qazaqstanda 52 etnikalyq BAQ 12 tilde jumys isteidi. Ministrlik turaqty negizde etnikaaralyq salaǵa quqyqtyq monitoring júrgizedi. Ol úshin etnikaaralyq qarym-qatynastar salasyn retteitin zańnamalyq jáne normativtik-quqyqtyq bazany únemi jetildirip otyramyz. 2018 jyly Qazaqstan halqy assambleiasy týraly zańǵa túzetýler engizildi, onda assambleianyń etnomádeni birlestikterine qatysty jańa erejeler engizildi», - dedi QR Aqparat jáne qoǵamdyq damý ministrligi Etnikaaralyq qatynastardy damytý departamentiniń direktory Ǵalym Shoikin.
