«وتانداستار» قورى شەت ەلدەردەگٸ ەتنيكالىق قازاقتارعا قولداۋ كٶرەتۋ جۇمىستارى تۋرالى باياندادى, دەپ حابارلايدى قازاقپارات.
«وتانداستار» قورىنىڭ ۆيتسە-پرەزيدەنتٸ ماعاۋييا سارباسوۆتىڭ ايتۋىنشا, ارنايى جول كارتاسى مەن قوردى دامىتۋ جوسپارى بەكٸتٸلگەن.
«جوسپارعا سەيكەس, شەتەلدەگٸ قازاقتاردى قولداۋ مەن ەرٸكتٸ قونىس اۋدارۋى بويىنشا مەملەكەتتٸك باعدارلاما ەزٸرلەنەدٸ. شەتەلدەگٸ وتانداستاردى مەملەكەتتٸك قولداۋ تۋرالى قر زاڭى دايىندالادى. وتانداستارعا اقپاراتتىق قولداۋ ورتالىعىڭ, ديالوگ الاڭدارىنىڭ جۇمىسى ۇيىمداستىرىلادى. شەت ەلدە قازاق تٸلٸن ٷيرەتۋ بويىنشا وقىتۋ ينفراقۇرىلىمى جاسالادى», - دەدٸ ماعاۋييا سارباسوۆ استانادا «ادام جەنە ەتنيكالىق ازشىلىقتار قۇقىقتارىن قورعاۋ» دٶڭگەلەك ٷستەلٸندە.
سپيكەردٸڭ ايتۋىنشا, قازٸر وتانداستاردى قولداۋ مەن ولاردى تاريحي وتانعا قايتارۋ بويىنشا ٶزگە ەلدەردٸڭ تەجٸريبەسٸ زەرتتەلٸپ جاتىر. ماقساتتى ساراپتامالىق زەرتتەۋلەر جٷرگٸزٸلۋدە. بۇل جۇمىس نەتيجەسٸندە ناقتى ۇسىنىمدار, قورىتىندى ماتەريالدار ەزٸرلەنەدٸ جەنە اقپارات جەنە قوعامدىق دامۋ مينيسترلٸگٸنە ۇسىنىلادى.
ٶز كەزەگٸندە, قر اقپارات جەنە قوعامدىق دامۋ مينيسترلٸگٸ ەلدەگٸ ەتنيكاارالىق قاتىناستاردىڭ قالاي رەتتەلەتٸنٸن تٷسٸندٸردٸ.
«ەتنيكاارالىق جەنە كونفەسسيياارالىق كەلٸسٸمدٸ ساقتاۋ ەلٸمٸز ەڭ ماڭىزدى باسىمدىق بولىپ قالا بەرەدٸ. مينيسترلٸك قىزمەتٸ ارقىلى ەتنيكالىق باق-تارعا قولداۋ كٶرسەتٸلەدٸ. قازاقستاندا 52 ەتنيكالىق باق 12 تٸلدە جۇمىس ٸستەيدٸ. مينيسترلٸك تۇراقتى نەگٸزدە ەتنيكاارالىق سالاعا قۇقىقتىق مونيتورينگ جٷرگٸزەدٸ. ول ٷشٸن ەتنيكاارالىق قارىم-قاتىناستار سالاسىن رەتتەيتٸن زاڭنامالىق جەنە نورماتيۆتٸك-قۇقىقتىق بازانى ٷنەمٸ جەتٸلدٸرٸپ وتىرامىز. 2018 جىلى قازاقستان حالقى اسسامبلەياسى تۋرالى زاڭعا تٷزەتۋلەر ەنگٸزٸلدٸ, وندا اسسامبلەيانىڭ ەتنومەدەني بٸرلەستٸكتەرٸنە قاتىستى جاڭا ەرەجەلەر ەنگٸزٸلدٸ», - دەدٸ قر اقپارات جەنە قوعامدىق دامۋ مينيسترلٸگٸ ەتنيكاارالىق قاتىناستاردى دامىتۋ دەپارتامەنتٸنٸڭ ديرەكتورى عالىم شويكين.
