Prezident Qasym-Jomart Toqaev Premer-Ministrdiń orynbasary – Qarjy ministri Erulan Jamaýbaevty qabyldady, dep habarlaidy "Ult aqparat" Aqordanyń resmi saityna silteme jasap.
Memleket basshysy Úkimettiń qarjy-ekonomikalyq salada atqaryp jatqan jumystarynyń negizgi baǵyttary týraly esebin tyńdady.
Memleket basshysynyń tapsyrmalaryna sáikes kedendik ákimshilendirý isin jetildirý boiynsha qabyldanyp jatqan jedel ári júieli sharalar, sheteldegi qarjyny qaitarýdy jáne elden aqshany jylystatýǵa qarsy is-qimyldardyń naqty tetikteri pysyqtalyp jatqany týraly aityldy.
Qasym-Jomart Toqaevqa memlekettik qarjynyń qazirgi jaǵdaiy, jalpy eldiń áleýmettik-ekonomikalyq damýy týraly aqparat berildi.
Erulan Jamaýbaev ekonomikany monopoliiadan aryltý jáne 2022 jylǵy respýblikalyq biýdjetti naqtylaý boiynsha júrgizilip jatqan jumystar týraly baiandady.
Kezdesý sońynda Memleket basshysy birqatar naqty tapsyrma berdi.
