Sheteldegi qandastar men otandastarǵa arnalǵan qazaq tilin úiretý jobasy talqylandy, dep habarlaidy "Ult aqparat".
«Otandastar qory» kommertsiialyq emes aktsionerlik qoǵamy men Sh.Shaiahmetov atyndaǵy «Til qazyna» ulttyq ǵylymi-praktikalyq ortalyǵy arasynda kezdesý ótti. Is-sharaǵa «Otandastar qorynyń» vitse-prezidenti Maǵaýiia Sarbasov, Jobalar koordinatory Didar Bolat, «Til qazyna» ortalyǵynyń Ádisteme basqarmasynyń basshysy Sofiia Omarova, bas menedjer Nurjan Seisenbek jáne eki uiymnyń ókilderi qatysty.
Kezdesý aiasynda «Otandastar qory», «Dúniejúzi qazaqtary qaýymdastyǵy» jáne Sh.Shaiahmetov atyndaǵy «Til qazyna» ǵylymi-praktikalyq ortalyǵynyń uiymdastyrýymen sheteldegi qandastar men otandastarǵa arnalǵan qazaq tilin úiretý jobasy talqylandy.
Jobanyń basty maqsaty – sheteldegi etnikalyq qazaqtardyń bilim alýyna jáne tilin saqtap qalýyna jaǵdai jasaý, qazaq tiliniń taralý aimaǵyn keńeitý, shet elderdegi qazaqtar arasynda qazaq tiliniń mártebesin kóterý.
Shettegi qandastarymyzǵa qazaq tilin oqytatyn ortaq ádistemelik arqyly 3 baǵytta («Abai institýty» portaly, «Onlain» formattaǵy kýrstar, «Oflain» formattaǵy kýrstar) birdei oqytylady. Atalǵan til oqytý baǵyttarǵa ádistemelik qoldaý kórsetip, baǵdarlamalar daiyndaýǵa atsalysqan – Sh.Shaiahmetov atyndaǵy «Til qazyna» ǵylymi-praktikalyq ortalyǵy.
Aita ketý kerek, kýrs sońynda barlyq baǵyttyń nátijesi «Qaztest» júiesi arqyly anyqtalyp, qatysýshylarǵa til bilý deńgeiine qarai sertifikat tapsyrylady. 11-18 jas aralyǵyndaǵy qatysýshylardyń sertifikattary «Otandastar qory» KEAQ pen «Dúniejúzi qazaqtary qaýymdastyǵy» RQB uiymdastyratyn balalar lagerine tegin qatysýǵa múmkindik beredi.
