© Sputnik / Vladislav Vodnev
Syrtqy ister ministriniń orynbasary Roman Vasilenko shet elderde referendýmda daýys berý qalai júrip jatqanyn aitty, dep habarlaidy Sputnik Qazaqstan.
52 shet memlekette Qazaqstannyń ókildikteri janynan 65 referendým ýchaskesi ashylǵan. Shet elderde daýys beretin sailaýshylar tizimine 11 350 otandasymyz engizilgen.
"Daýys berý qazirgi tańda tynysh jáne jumys atmosferasynda ótip jatyr. Nur-Sultan ýaqytymen saǵat 19.00-degi jaǵdai boiynsha shet elderde 5 100 qazaqstandyq daýys berdi. Bul tizimge engizilgen sailaýshylardyń 45 protsentin quraidy", - dedi Vasilenko Ortalyq referendým komissiiasynda ótken brifingte.
Ýaqyt aiyrmashylyǵyna bailanysty dál qazirgi ýaqytta barlyq 65 referendým ýchaskesi ashyldy. Tipti, keibir ýchaskelerde, Qytai, Koreia, Japoniia jáne taǵy basqa elderde daýys berý aiaqtalyp, daýystardy sanaýǵa kiristi. Keibir ýchaskelerde sailaýshylardyń júz paiyzy keldi.
Niý-Iork, Vashington, Braziliia siiaqty qalalarda daýys berý ýchaskeleri endi ǵana ashyldy. Olar áli daýys beredi, dedi Vasilenko.
