Tiimdi júrgizilgen sharalardyń arqasynda Qazaqstanda salafittik jamaǵattyń 70 jetekshisi men belsendisi qazaqstandyq qoǵamnyń qundylyqtaryna oń kózqaras tanytyp, qoǵam ómirine qaita oraldy. Bul týraly búgin Úkimet otyrysynan soń tilshilerge bergen suhbatynda Ulttyq qaýipsizdiń komiteti tóraǵasynyń orynbasary Nurǵali Bilisbekov málim etti, dep habarlaidy QazAqparat.
«2016 jyly dástúrli emes dini aǵymdardyń jeteginde erip ketkenderdiń 32,1 protsentine qatysty aldyn alý jumystary júrgizildi. Terrorizmge jáne ekstremizmge qarsy kúres memlekettik baǵdarlamasyn júzege asyrý barysynda 90,7 protsenti qamtyldy. Maqsatty jumystardyń arqasynda Qazaqstanda salafittik jamaǵattyń 70 jetekshisi men belsendisi qazaqstandyq qoǵamnyń qundylyqtaryna oń kózqaras tanytyp, qoǵam ómirine qaita oraldy», - deidi Nurǵali Bilisbekov.
Sonymen qatar, onyń málimetteri boiynsha, 2016 jyly Qazaqstanda elimizdiń arnaiy organ qyzmetkerleri 12 lańkestik aktsiianyń jolyn kesti. Jalpy terrorizm men dini-ekstremistik qylmystar úshin 123 radikal sottaldy.
«Shetelde lańkestik toptardyń qatarynda soǵysýdy josparlaǵan 91 qazaqstandyq ustaldy. Qazaqstanǵa 81 stýdent elge qaitaryldy. 177 adamǵa sheteldik teologiialyq oqý oryndarynda oqý úshin elden ketýge tyiym salyndy», - dep málim etti UQK basshysynyń orynbasary.
