«Bolashaq» baǵdarlamasymen oqýyn aiaqtaǵanymen shekara jabylyp, áýe qatynastarynyń toqtatylýyna bailanysty shetelde qalýǵa májbúr bolǵan 84 stipendiatqa 66,4 mln teńge mólsherinde shákirtaqy tólendi. Bul jaiynda «Halyqaralyq baǵdarlamalar ortalyǵy» AQ baspasóz qyzmetinen habarlady.
Ortalyq málimetinshe, atalǵan stipendiattardyń 45-i qazirgi ýaqytta elge keldi. Al qalǵan 39 adam jaqyn arada oralatyn bolady. Sonymen qatar, SOVID-19 indeti kezinde Qazaqstanǵa kelip alǵan 147 stipendiat elimizde qashyqtan bilim alýyn jalǵastyryp jatyr. Olarǵa 192,8 mln teńge mólsherinde shákirtaqy tólenip, 20,5 mln teńge mólsherinde oqý elinen Qazaqstanǵa deiingi áýe biletteri alyndy.
Qazirgi tańda «Bolashaq» baǵdarlamasynyń 592 stipendiaty shetelde bilim alýda. Aita keteiik, 2020 jylǵy 28 naýryzda «Bolashaq» halyqaralyq stipendiiasy boiynsha shyǵystar normalaryn, oqýǵa jáne taǵylymdamadan ótýge úlgilik sharttardy bekitý týraly» Qazaqstan Respýblikasy Bilim jáne ǵylym ministriniń 2012 jylǵy 13 sáýirdegi № 163 buiryǵyna ózgerister engizildi.
