QR Aqparat jáne kommýnikatsiialar ministri Dáýren Abaev 88 telearnanyń jabylýyna qatysty pikir bildirdi, dep habarlaidy QazAqparat.
«88 telearnany jaýyp jatqanymyz týraly jariialaǵan kezde, biz ekpindi basqa máselege qoiǵan edik. Osy oraida Qazaqstanda 215 sheteldik arnalardyń ókildikteri ashylǵandyǵyna ekpin jasadyq. Osyǵan deiin Táýelsizdik jyldarynda mundai bolmaǵan edi. Qazirgi kezde barlyq sheteldik telearnalardy quqyqtyq keńistikke shyǵardyq. Iaǵni, barlyq shetel telearnalarynda Qazaqstanda ókildikteri bar. Sáikesinshe, olar talapqa sai ókildikterde jumys istep jatyr», - dedi ministr Úkimet otyrysynan keiin jýrnalisterge.
Sonymen qatar, D. Abaev jabylǵan telearnalar bolashaqta el aýmaǵynda jumysyn jandandyrý múmkindigin joqqa shyǵarmady.
«Olardyń jumysyna shekteý engizý - telearnalardyń aldaǵy ýaqytta QR aýmaǵynda eshqashan jumys istemeidi degendi bildirmeidi. Eger de olar ózderiniń ókildikterin ashqysy kelse, zańnamamen bekitilgen barlyq rásimderdi oryndaýy tiis. Osydan keiin Qazaqstan aýmaǵyna qaita oralý múmkindigine ie bolady», - dep túidi vedomstvo basshysy.
