Qazirgi geosaiasi jaǵdai Qazaqstannyń biznes naryǵyna jańa múmkindikter berip otyr. Bul týraly «Atameken» ulttyq kásipkerler palatasynyń basshysy Raiymbek Batalov málim etti, dep habarlaidy QazAqparat.
«Geosaiasi jaǵdaiǵa bailanysty biznestiń damýynda logistika boiynsha máseleler bar. Taýar, ónimdi jetkizýdiń úzilip, toqtap qalýy - aýqymdy problema. Atalǵan jaittardy biz Úkimetpen birge jedel shtab otyrysy men jumys toptary alańynda talqylap jatyrmyz. Kóptegen másele jedel sheshilip jatyr. Dollar baǵamy da mańyzdy ról atqarady. Jalpy alǵanda, jaǵdai turaqtalyp keledi. Biznesti damýynda bank jáne qarjy sektorynyń alatyn orny erekshe. Qazaqstan aýmaǵynda jumys istegen reseilik banktermen problemalar bolǵanyn bilemiz», - dedi Raiymbek Batalov elordalyq kásipkerlermen kezdesý barysynda.
Sondai-aq, ulttyq kásipkerler palatasynyń basshysy, elimizge shetel investorlary qyzyǵýshylyǵynyń artqanyn aitty.
«Basqa jaǵynan alǵanda, geosaiasi jaǵdai biz úshin jańa múmkindikter ashyp otyr deýge bolady. Óitkeni, buǵan deiin qazaqstandyq bizneste bolmaǵan nemese az úleste bolǵan salalar endigi ýaqytta qoljetimdi. Sonymen qatar, tek reseilik nemese ýkraindyq emes, basqa da shetel investorlary Qazaqstan naryǵyna asa qyzyǵýshylyq tanytýda. Sebebi Qazaqstan - Qytai jáne TMD naryǵy arasyndaǵy altyn kópir. Biz bul múmkindikterdi tiimdi paidalanýymyz qajet», - deidi ol.
