Shetel azamattarynyń el aýmaǵynda qumar oiyndardy zańsyz júrgizip, lotereia uiymdastyrý arqyly tabys tabýyna tyiym salý kerek. Bul týraly Ulttyq qoǵamdyq senim keńesiniń 5-otyrysynda QR Prezidenti Qasym-Jomart Toqaev aitty, dep habarlaidy "Ult aqparat".
«Balalardy jáne kánigi qumarpazdardy oiynǵa tartqan nemese sondai jaǵdaiǵa jol bergen zańdy tulǵalar ákimshilik jaýapkershilikke tartylýǵa tiis. Qajet bolsa, olardy litsenziiasynan aiyramyz. Qazir osyndai zańsyz qyzmet úshin jeke tulǵalarǵa 200 ailyq eseptik kórsetkish kóleminde ǵana aiyppul salynady. Shetel azamattarynyń el aýmaǵynda qumar oiyndardy zańsyz júrgizip, lotereia uiymdastyrý arqyly tabys tabýyna tyiym salý kerek», - dedi Qazaqstan Prezidenti.
Memleket basshysy lýdomaniiaǵa, iaǵni qumar oiyndarǵa táýeldilikke jan-jaqty tosqaýyl qoiý qajettigin atap ótti.
«Bul rette zańnamalyq shara qabyldaýmen shektelip qalýǵa bolmaidy. Osyndai jaǵdaidyń aldyn alý maqsatymen tiimdi tásilder qoldaný qajet. Zańsyz oiyn biznesimen kúresý úshin qoǵamdyq baqylaýdy kúsheitý asa mańyzdy. Osy mindetterdi oryndaýǵa quzyrly organdar belsendi atsalysýy kerek», - dedi Qasym-Jomart Toqaev.
