Qazaqstan Prezidenti Qasym-Jomart Toqaevtyń atyna shet memleketterdiń basshylarynan jáne halyqaralyq uiymdardyń jetekshilerinen Oraza ait merekesine orai quttyqtaý jedelhattary kelip jatyr. Bul týraly Aqordadan málim etti, dep habarlaidy "Ult aqparat".
Quttyqtaý hattarynda olar Memleket basshysyna zor densaýlyq, baqyt jáne tabys tilep, al, Qazaqstan halqynyń ósip-órkendei berýine niettestik bildirgen.
Qasym-Jomart Toqaevqa Túrkiia Prezidenti Rejep Taiip Erdoǵan, Ózbekstan Prezidenti Shavkat Mirziioev, Qyrǵyzstan Prezidenti Sadyr Japarov, Túrikmenstan Prezidenti Gýrbangýly Berdimuhamedov, Tájikstan Prezidenti Emomali Rahmon, Saýd Arabiiasynyń Koroli Salman ben Ábdelaziz Ál Saýd jáne Saýd Arabiiasy Koroldiginiń Taq murageri Muhammed ben Salman ben Ábdelaziz Ál Saýd, Iordaniia Koroli II Abdalla, Kýveit Ámiri sheih Naýýaf ál-Ahmed ál-Djaber as-Sabah, Kýveittiń Taq murageri Mashal ál-Ahmed ál-Djaber as-Sabah, Oman Sultany Haisam ben Tariq, Bahrein Koroli Hamad ben Isa Ál Halifa, Iran Prezidenti Hasan Rýhani, Aýǵanstan Prezidenti Ashraf Ǵani, Palestina Prezidenti Mahmýd Abbas, Iemen Prezidenti Abd Rabbo Mansur Hadi, sondai-aq, Túrki keńesiniń Bas hatshysy Baǵdad Ámireev jáne Ierýsalim Patriarhy III Feofil ózderiniń quttyqtaý jedelhattaryn joldady.
«Quttyqtaý hattary áli de kelip túsip jatyr», - delingen Aqorda saitynda.
