PTR anyqtamasyz shet elden ushyp kelgen qazaqstandyqtan COVID-19 anyqtaldy, dep habarlaidy Sanitariialyq-epidemiologiialyq baqylaý komiteti.
16 jeltoqsanda Qazaqstan aýmaǵyna Ulybritaniia, Niderlandy, Koreia, Mysyr, Túrkiia, BAÁ, Ýkraina, RF, Belarýs Respýblikasy jáne Ózbekstannan 14 halyqaralyq áýe reisi keldi.
1 472 áýe jolaýshynyń ishinde PTR testisiniń teris nátijesi bar anyqtamamen 1 161 adam, anyqtamasyz 311 QR azamattary keldi.
Onyń ishinde:
Almaty qalasynyń áýejaiyna – 7 reis, 648 jolaýshy, anyqtamamen - 621, anyqtamasyz - 27;
Nur-Sultan qalasynyń áýejaiyna – 4 reis, 508 jolaýshy, anyqtamamen - 336; anyqtamasyz - 172;
Aqtóbe qalasynyń áýejaiyna – 1 reis, 224 jolaýshy, anyqtamamen - 114; anyqtamasyz - 110;
Atyraý qalasynyń áýejaiyna – 1 reis, 91 jolaýshy, anyqtamamen - 89; anyqtamasyz - 2;
Shymkent qalasynyń áýejaiyna – 1 reis, 1 jolaýshy anyqtamamen keldi.
Anyqtamasyz kelgen Qazaqstan azamattary kelgen jeri boiynsha COVID-19-ǵa PTR testin tapsyrdy jáne karantin statsionarynda taldaý nátijesin kútip jatyr.
15 jeltoqsanda anyqtamasyz kelgen 147 adamnyń PTR taldaý nátijesi boiynsha Ystanbul-Almaty reisimen kelgen bir jolaýshydan koronavirýs infektsiiasy anyqtaldy.
