Aqtóbe oblysynyń tilderdi damytý basqarmasy tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasyn iske asyrý maqsatynda 2016 jyldan beri «Shetelde turatyn qazaq diasporalarymen bailanys» jobasy aiasynda Resei Federatsiiasynyń Orynbor oblysynda turatyn qazaqtardyń ana tilin saqtap qalýyna jáne damytýǵa qoldaý kórsetip, ana tilin oqytyp júrgen muǵalimderge oqý-ádistemelik kómek berip keledi.
«Til – yntymaqtastyq arqaýy» taqyrybynda ótken sharada qazaq tili máselesine qatysty kóptegen máseleler qozǵalyp, tyń taqyryptar talqylandy.
Osyndai sharalar qandastarymyzdyń ana tilin damytý, salt-dástúrimizdi saqtaý, mádeni jáne basqa da qarym-qatynastardyń qalyptasýyna yqpal etip, Qazaqstan men Resei arasyndaǵy yntymaqtastyqtyń tiimdiligin arttyrýǵa múmkindik beredi degen pikirdemiz.
Kezdesýden zor áser alǵan qatysýshylar pikirleri men jyly lebizderin bildirip jatty. Orynbor halyqaralyq «Qazaq tili» qoǵamy ókildiginiń basshysy, Orynbor oblysynyń «Halyqtar dostastyǵy úii» qoǵamdyq uiymynyń tóraiymynyń Sáýle Sovhozovna Taikeshovanyń aitýynsha, mundai kezdesýler jii bolyp tursa, halyq arasynda rýhtyq bailanys úzilmek emes. Tilge degen qurmet oǵan degen qyzyǵýshylyqty arttyrýdan bastalady, al óz kezeginde Aqtóbe oblysynyń tilderdi damytý basqarmasy Tilderdi oqytý ortalyǵynyń oqytýshylary konferentsiiaǵa qatysýshylar arasynda oiyndar men treningterdi qyzyqty etip ótkize bildi. Olardyń til úiretýdegi metodikalyq tásili utymdy dep bilemin»- dep sózin aiaqtady.
«Atameken» mádeni ortalyǵynyń tóraǵasy Kýkleev Bisenǵali Gabbasuly: «Elderdiń arasynda shekara syzylsa da, halyqtardyń arasynda eshqashan shekara bolmaýy qajet. Biz Qazaqstanda bolyp jatqan jaǵymdy jańalyqtarǵa birge qýanyp, keleńsiz jaittar bolsa olarmen birge qaiǵyramyz. Biz ulttyq sal-dástúrden, qundylyqtarymyzdan syrt qalǵymyz kelmeidi. Búginde qazaq elinde latyn álipbiine kóshý protsesi bastaldy. Endi bizdiń balalarymyz latynnegizdi qazaq tilin úirenip, bilse degen nietimiz bar. Sebebi, biz qazaq eliniń bir bólshegi bolyp qalǵymyz keledi», - degen oiyn aitty.
Sonymen qatar, bul kezdesýge oqytýshylardan bólek, meshit imamy da kelip tóbe kórsetti.
Eksperimentalnyi aýylyndaǵy Dongýz meshitiniń imamy Sagnai Býrýmbaev: «Biz tilimizden, dinimizden aiyrylmaýymyz kerek, osyndai sharalar jii bolyp tursa bizge úlken qoldaý bolar edi» - degen tilekpen kelesi kezdesý bolǵan jaǵdaida qonaq kádege dini kitaptar suardy.
Is-shara barysynda Aqtóbe oblysynyń tilderdi damytý basqarmasy tilderdi oqytý oralyǵynyń ádiskerleri men oqytýshylary qazaq diasporasynyń ókilderine arnalǵan qazaq tilinen ashyq sabaqtar, lingvistikalyq trening, viktorinalyq oiyndar júrgizdi.
Bul igi bastama Aqtóbe oblysynyń tilderdi damytý basqarmasynyń uiymdastyrýymen 2016 jyldan bastap ótkizilip keledi. Tilderdi oqytý ortalyǵy Reseidegi qandastarymyzdyń qazaq tilin úirenýine alǵyshart retinde Reseide kóp qoldanylatyn «Vkontakte» áleýmettik jelisinde paraqsha ashyp, til úiretý sabaqtary men tapsyrmalardy jariialap otyrady.
Aldaǵy ýaqyttaǵy basty mindetterdiń biri osy rýhani bailanysty nyǵaitý bolmaq.
