Sheshenstan biligi aýylda memleket qarjysyna soǵylǵan eki qabatty sport keshenin Ramzan Qadyrovtyń 15 jastaǵy uly Ahmadtyń qurmetine atady. Keshen eldiń shyǵys bóligindegi aýylda soǵylǵan. Bul týraly habardy "Groznyi" memlekettik arnasy kórsetken. Oǵan Azattyqtyń "Kavkaz.Realii" redaktsiiasy nazar aýdardy.
– Ahmad Kadyrov — "Ahmat" jekpe-jek klýbynyń tárbielenýshisi. Halyqaralyq jarystarǵa qatysyp úlgergen. Birde-bir ret jeńilip kórmegen. Sportpen kásibi túrde shuǵyldanýmen qatar Ahmad dini ilim alyp, oqýda ozat bolyp otyr. Ol – óz qurdastaryna úlgi, — delingen telearna siýjetinde. Keshenniń qasbetinde Ramzan Qadyrov pen onyń ákesi Ahmadtyń portretteri ilinip turdy.
2016 jyly qazanda 10 jasar Ahmad Qadyrov pen onyń baýyrlarynyń Groznyi qalasynda ótken MMA aralas jekpe-jegi týrnirine qatysýy Resei sportynyń daýyna ainalǵan. Tóbelesti Resei MMA odaǵynyń prezidenti Fedor Emelianenko synǵa alyp, artynan oǵan qoqan-loqy kórsetken, úrkitpek bolǵan. Al Máskeýde Emelianenkonyń qyzyna shabýyl jasaǵan.
