شەشەنستان بيلٸگٸ اۋىلدا مەملەكەت قارجىسىنا سوعىلعان ەكٸ قاباتتى سپورت كەشەنٸن رامزان قادىروۆتىڭ 15 جاستاعى ۇلى احمادتىڭ قۇرمەتٸنە اتادى. كەشەن ەلدٸڭ شىعىس بٶلٸگٸندەگٸ اۋىلدا سوعىلعان. بۇل تۋرالى حاباردى "گروزنىي" مەملەكەتتٸك ارناسى كٶرسەتكەن. وعان ازاتتىقتىڭ "كاۆكاز.رەاليي" رەداكتسيياسى نازار اۋداردى.
– احماد كادىروۆ — "احمات" جەكپە-جەك كلۋبىنىڭ تەربيەلەنۋشٸسٸ. حالىقارالىق جارىستارعا قاتىسىپ ٷلگەرگەن. بٸردە-بٸر رەت جەڭٸلٸپ كٶرمەگەن. سپورتپەن كەسٸبي تٷردە شۇعىلدانۋمەن قاتار احماد دٸني ٸلٸم الىپ, وقۋدا وزات بولىپ وتىر. ول – ٶز قۇرداستارىنا ٷلگٸ, — دەلٸنگەن تەلەارنا سيۋجەتٸندە. كەشەننٸڭ قاسبەتٸندە رامزان قادىروۆ پەن ونىڭ ەكەسٸ احمادتىڭ پورترەتتەرٸ ٸلٸنٸپ تۇردى.
2016 جىلى قازاندا 10 جاسار احماد قادىروۆ پەن ونىڭ باۋىرلارىنىڭ گروزنىي قالاسىندا ٶتكەن MMA ارالاس جەكپە-جەگٸ تۋرنيرٸنە قاتىسۋى رەسەي سپورتىنىڭ داۋىنا اينالعان. تٶبەلەستٸ رەسەي MMA وداعىنىڭ پرەزيدەنتٸ فەدور ەمەليانەنكو سىنعا الىپ, ارتىنان وعان قوقان-لوقى كٶرسەتكەن, ٷركٸتپەك بولعان. ال مەسكەۋدە ەمەليانەنكونىڭ قىزىنا شابۋىل جاساعان.
