"Groznyi" memlekettik teleradiokompaniiasynyń direktory Chingiz Ahmadov Sheshenstan basshysy Ramzan Qadyrovty synaǵandar men onyń "jaýlaryna" shúiligip, qoqan-loqy jasady.
Instagram jelisinde jariialanǵan videoda Ahmadov "Ramzan Qadyrovty jaqtaitynyn" bildiredi.
"Eger bireýdi óltirý qajet bolsa, óltirýge laiyqty bolsa, óltiremiz. Eger bireýdi uryp-soǵý qajet bolsa, uramyz, bireýge birdeńe aitý kerek bolsa, aitamyz" dedi Ahmadov. Onyń sózinen "Kavkaz.Realii" saity (Azattyqtyń Soltústik Kavkaz redaktsiiasy) úzindi keltiredi.
Ol "Ramzan Qadyrovtyń jaýlaryn" sheshen halqynyń da, jeke óziniń de "jaýy" dep esepteitinin aitqan.
Sheshenstannyń qaýipsizdik qyzmeti aimaq basshysy Ramzan Qadyrov pen onyń tóńiregindegi adamdardyń saiasi qarsylastaryn "jazalap", olardyń quqyqtaryn óreskel buzýmen tanymal.
Naýryz aiynda AQSh memlekettik departamenti Adam quqyǵy jaily baiandamasynda Sheshenstandaǵy jaǵdaidy synaǵan. Esepte atap aitqanda, Ramzan Qadyrovtyń saiasi opponentterin qýdalaý, cotsyz darǵa asý, zańsyz ustaý, azaptaý týraly derekter keltirilgen.
Qadyrov ózin synaǵandar men jýrnalisterge birneshe ret qoqan-loqy kórsetken. Buryn ólim jazasymen qorqytý "sheshen etikasynyń" bir bóligi dep te málimdegen.
