"گروزنىي" مەملەكەتتٸك تەلەراديوكومپانيياسىنىڭ ديرەكتورى چينگيز احمادوۆ شەشەنستان باسشىسى رامزان قادىروۆتى سىناعاندار مەن ونىڭ "جاۋلارىنا" شٷيلٸگٸپ, قوقان-لوقى جاسادى.
ينستاگرام جەلٸسٸندە جارييالانعان ۆيدەودا احمادوۆ "رامزان قادىروۆتى جاقتايتىنىن" بٸلدٸرەدٸ.
"ەگەر بٸرەۋدٸ ٶلتٸرۋ قاجەت بولسا, ٶلتٸرۋگە لايىقتى بولسا, ٶلتٸرەمٸز. ەگەر بٸرەۋدٸ ۇرىپ-سوعۋ قاجەت بولسا, ۇرامىز, بٸرەۋگە بٸردەڭە ايتۋ كەرەك بولسا, ايتامىز" دەدٸ احمادوۆ. ونىڭ سٶزٸنەن "كاۆكاز.رەاليي" سايتى (ازاتتىقتىڭ سولتٷستٸك كاۆكاز رەداكتسيياسى) ٷزٸندٸ كەلتٸرەدٸ.
ول "رامزان قادىروۆتىڭ جاۋلارىن" شەشەن حالقىنىڭ دا, جەكە ٶزٸنٸڭ دە "جاۋى" دەپ ەسەپتەيتٸنٸن ايتقان.
شەشەنستاننىڭ قاۋٸپسٸزدٸك قىزمەتٸ ايماق باسشىسى رامزان قادىروۆ پەن ونىڭ تٶڭٸرەگٸندەگٸ ادامداردىڭ ساياسي قارسىلاستارىن "جازالاپ", ولاردىڭ قۇقىقتارىن ٶرەسكەل بۇزۋمەن تانىمال.
ناۋرىز ايىندا اقش مەملەكەتتٸك دەپارتامەنتٸ ادام قۇقىعى جايلى بايانداماسىندا شەشەنستانداعى جاعدايدى سىناعان. ەسەپتە اتاپ ايتقاندا, رامزان قادىروۆتىڭ ساياسي وپپونەنتتەرٸن قۋدالاۋ, cوتسىز دارعا اسۋ, زاڭسىز ۇستاۋ, ازاپتاۋ تۋرالى دەرەكتەر كەلتٸرٸلگەن.
قادىروۆ ٶزٸن سىناعاندار مەن جۋرناليستەرگە بٸرنەشە رەت قوقان-لوقى كٶرسەتكەن. بۇرىن ٶلٸم جازاسىمەن قورقىتۋ "شەشەن ەتيكاسىنىڭ" بٸر بٶلٸگٸ دەپ تە مەلٸمدەگەن.
