Foto: OKQ
"Almaty oblysynyń ákimi Marat Sultanǵaziev Sherzat Bolatqa qatysty qaiǵyly oqiǵadan keiin otstavkaǵa kete me?" degen saýalǵa jaýap berdi, - dep habarlaidy ult.kz.
OKQ-da ótken brifingte jýrnalistiń suraǵyna jaýap bergen ákim Talǵarǵa barǵanyn aitty.
"12-ine deiin ǵoi deimin. Shtab ótkizdik. Órt ornyna barmadym. Tolyq málimetter maǵan jetkizilip jatyr. Ol jaqqa Ishki saiasat basqarmasy, aýyl ákimi, basqa da qoǵamdyq keńes músheleri, depýtattar bardy. Biraq jańadan órtengen kezde aýmaqqa eshkim kirgizilmeitin, tiisti jumystar júrgizilip jatty", - dedi ákim.
Al otstavkaǵa qatysty jumysynyń baǵasyn beretin ekonomikalyq-áleýmettik salalardaǵy kórsetkish dep esepteidi Marat Sultanǵaziev.
"Búgingi kúni bizdiń jumysymyz tek áleýmettik jelide taraǵan jańalyqpen baǵalanbaidy ǵoi. Kóptegen sala bar: ekonomikalyq sala, áleýmettik sala. Sondai turǵydan halyq, basshylarymyz ózi baǵasyn berer", - deidi ol.
