Elbasy Nursultan Nazarbaev 2019 jyldyń 19 naýryzynda Astana ýaqytymen saǵat 19:00-de respýblikalyq telearnalar arqyly memleketimizdiń asa mańyzdy tarihi sátterine ǵana tán Qazaqstan halqyna úndeýin jariialady.
Nursultan Nazarbaev Qazaqstan Respýblikasynyń Prezidenti retindegi ókilettigin toqtatý jóninde sheshim qabyldadym degen sátte, milliondaǵan kórermenniń siltidei tynǵany ras.
Qazaqstannyń ata-babalarymyz ańsap ótken táýelsizdigin alǵan kezeńnen bastap 30 jylǵa jýyq elimizdiń ishki-syrtqy saiasatynda asqan kóregendilik, danalyq tanytyp kelgen Elbasy bul joly da tarihi sheshim qabyldaǵan bolatyn. Sonyń negizinde elimizdiń Prezidenti laýazymyna Qasym-Jomart Kemeluly Toqaev taǵaiyndalyp, ant qabyldap, resmi túrde qyzmetke kirisken sátine búkilhalyq bolyp kýá boldyq.
Sol sátte memleket basshysy Qasym-Jomart Kemeluly Astana ataýyn «Nur-Sultan» dep ózgertý týraly bastama kóterdi. Bul oiǵa óz tarapymnan eshqandai qarsylyǵym joq. Óitkeni, ózi negizin qalaǵan elordanyń búgingi kelbeti, búgingi jetistikteri men memleketimizdiń álemniń alpaýyt elderimen terezemiz teń bolýy úshin qajyr-qairatyn, kúsh-jigerin aiamaǵan ult kóshbasshysy eńbeginiń ushan-teńiz ekeni barshamyzǵa málim.
Qazaq eline Máńgilik el ideiasyn usynǵan da Nursultan Ábishuly bolatyn. Joǵaryda aitqanymdai ózi negizin qalaǵan elordaǵa Elbasynyń esimin berý ideiasyn qoldaimyn.
Sheriazdan Eleýkenov,
filologiia ǵylymdarynyń doktory, professor,
QR Memlekettik syilyǵynyń laýreaty,
«Qurmet belgisi», «Parasat» ordenderiniń iegeri
.jpeg)