Polshalyq boksshy Kamil Sheremetanyń (21-0, 5 KO) tálimgeri Fedor Liapin sportshynyń kelesi qarsylasy - qazaqstandyq Gennadii Golovkinniń (40-1-1, 35 KO) jattyǵý barysy týraly aitty, dep habarlaidy "Ult aqparat" Sports.kz saityna silteme jasap.
«Biz qańtar nemese aqpan ailarynda jekpe-jekke daiyndalyp júrgende Golovkin tipti jattyqqan da joq. Biz muny bilemiz. Biraq biz Golovkinniń onsyz da úlken sheber ekenin jáne ol basqasha jumys jasaitynyn jaqsy túsinemiz. Bizge ony qabyldaýǵa jáne óz múmkindigimizdi kútýge týra keldi», — dedi Liapin.
Áý basta Golovkin-Sheremeta jekpe-jegi aqpan aiyna josparlanǵan bolatyn, biraq birneshe ret keiinge qaldyryldy. Bir márte Gennadiidiń jaraqatyna bailanysty, sodan keiin AQSh-ta jáne álemniń kóptegen elderinde koronavirýs pandemiiasynyń bastalýyna bailanysty keiinge shegerilgen bolatyn.
Endi jekpe-jek qazan aiynda ótedi dep josparlanyp otyr, al naqty ótetin kúni jaqyn arada jariialanady.
