Sýret ashyq derekkózden alyndy
1 naýryzdan bastap Qazaqstan azamattaryna shengen vizasyn berý jaǵynan aitarlyqtai ózgeris bolmaidy. Bul týraly Eýropalyq odaqtyń Qazaqstandaǵy ókildigi málimdedi, dep habarlaidy Sputnik Qazaqstan.
Qazirgi erejege sáikes, shengen vizasyn berý týraly sheshimdi EO-ǵa múshe memlekettiń tiisti konsýldyǵy 15 kún ishinde qabyldaidy. Al ótinishti egjei-tegjeili tekserý nemese qosymsha qujat usyný qajet bolsa, bul merzim 45 kúnge deiin uzartylýy múmkin. Bul tájiribe tek erekshe jaǵdailarda ǵana ultyna qaramastan, barlyq ótinish berýshige burynnan beri qoldanylyp keledi.
"2023 jyldyń 1 naýryzynan keiin Qazaqstan azamattaryna shengen vizasyn berý tártibi jaǵynan aitarlyqtai ózgeris bolmaidy. Eýropalyq Odaq Qazaqstandy "qara tizimge" engizgen joq", - delingen resmi habarlamada.
Qazaqstan úshin qosymsha konsýltatsiialar ótkizý rásimi engizildi. Ondai rásim jeti kúnge deiin sozylýy múmkin.
"Bul konsýltatsiialar standartty 15 kúndik rásim aiasynda júrgiziledi. Sondyqtan ótinish berýshilerdiń viza alý ýaqyty aitarlyqtai uzarmaidy", - deidi mamandar.
Qosymsha konsýltatsiialar – birqatar elge qoldanylatyn jáne viza kodeksimen retteletin rásim. Shengen aimaǵyna múshe memleketter ony bir-birimen keńesý úshin júieli túrde paidalanyp otyrady. Shengen aqparattyq júiesinde (SIS) "qara tizim" degen joq.
Viza alý tártibi boiynsha jalpy aqparatty kóshi-qon jáne ishki ister jónindegi bas direktorattyń veb-saitynan tabýǵa bolady.
