Elektron qosymshalardyń biri arqyly ótken videokonferentsiiaǵa BQO ákiminiń orynbasary da qatysqan. Onda jeke kompaniiaǵa qumdy shuńqyrdy igerýge ruqsat berý máselesi qaralǵan.
"Bisenǵali Hairýllin bylapyt sózder aitty. Ol tórt ret "na" tirkesin qoldandy."Besit, na", "Poshel, na", "Prishel, na" degen kontekstte. Qaita sońyn aitqan joq. BQO ákiminiń orynbasary Amanjol Alpysbaev sheneýnikke eskertý jasady. Hairýllin bul sózdi konferentsiiaǵa qosylý barysynda týyndaǵan aqaýǵa qatysty, óz qyzmetkerlerine bir ret aitqanyn moiyndady", - dedi BQO Ádep jónindegi keńesiniń tóraǵasy Ǵalym Tursynbaev.
Sheneýnik konferentsiiaǵa jiylǵandar ony durys túsinbegenin aitty. Bisenǵali Hairýllinniń aitýynsha, Jaiyq ózeni mańyndaǵy karerdi igergisi keletin jeke kompaniia ókilderi onyń ústinen shaǵym túsirgen.
"Konferentsiia videobailanys arqyly ótti. Oǵan qosylý kezinde dybysqa qatysty problemalar boldy. Basqa keńsege kóshýge májbúr boldyq. Is-sharanyń buzylýyna sebep bolǵan qyzmetkerlerge ashýlanyp, "Besit, na" dedim.
Ol kompaniiamen sot protsesteri júrip jatyr. Olar Aqsýat aýyly mańyndaǵy karerdi damytýǵa ruqsat surap otyr. Biraq biz qarsy boldyq. Onda 436 túp qaraǵai bar. Ekologtar bizdi qoldaidy", - dedi Bisenǵali Hairýllin.
Talqylaý nátijesinde Ádep keńesi sheneýnikke qatań sógis jariialaýdy usynǵan. Sondai-aq, oǵan qaitalanǵan jaǵdaida qyzmetinen bosatylatyny eskertilgen.
