Aqtóbe oblysynyń tsifrlyq tehnologiialar basqarmasynyń basshysy Áset Otarbaev Kcell mobildi operatorynyń ókilderimen birlese otyryp, bailanysta olqylyqtar bar aimaqtardy aralap, internet sapasyn tekserdi.
Bailanys aiasyndaǵy óńir
"Kcell" AQ Aqtóbe oblysynyń óńirlik menedjeri Ǵalym Atambaevtyń aitýynsha, operator Aqtóbe oblysy boiynsha 320-dan astam bazalyq stantsiia, onyń ishinde qyryq 5G stantsiiasyn ornatqan. Bul qalanyń negizgi núkteleri men qala mańyndaǵy aýdandarǵa inernettiń taralýyn edáýir arttyrdy. Jańa oryndardyń qataryna aimaqtyq Jubanov atyndaǵy ýniversitet, meditsinalyq akademiia jáne bailanys kolledji, sondai-aq jataqhanalar kiredi.
"Ótken jyldan beri biz Aqtóbede de, oblysta da óz jelilerimizdi belsendi damytyp kelemiz. Búgingi tańda biz 324 stantsiiany ornattyq. Sonyń nátijesinde jelidegi olqylyqtardy is júzinde joiýǵa múmkindik berdi jáne turǵyndar turaqty ári sapaly bailanysqa qosyldy. Alda taǵy 110 stantsiia ornatý josparlanýda", - deidi Ǵalym Atambaev.
Baspasóz týry jýrnalisterdiń bailanys sapasyn baǵalaýǵa jaqsy múmkindik berdi. Máńgilik el kóshesindegi Speedtest 600 Mbit/s jyldamdyqty kórsetti. Salystarmaly túrde qaraityn bolsaq, osy jerdegi burynǵy jyldamdyq tek 10-20 Mbit/s bolatyn. Operator aimaqty túgeldei derlik internetpen qamtýdy kózdep, jelidegi «aqtańdaqtardy» tolyqtai japty. Bul bailanys sapasyn kóterip qana qoimai, telekom qyzmetterdiń aiasyn keńeitti. Odan bólek, Ksell Aqtóbe qalasynyń turǵyndary men qonaqtary úshin arnaiy tiimdi "Top Promo L" tariftik josparyn iske qosqanyn, jáne nebári 2990 teńgege shekteýsiz internetke qosylýǵa bolatynyn qosa aitty.
Shaǵyn aýdandar men qala mańyndaǵy bailanys jaqsardy
"Ózderińiz biletindei, buǵan deiin "Altyn Orda", "Eset batyr" siiaqty shaǵyn aýdandar, sondai-aq qala mańyndaǵy "Baýyrlastar" jáne "Sazdy" kentterinde bailanys nashar bolǵan. 5G stantsiialarymyzdy ornatqannan keiin is júzinde olqylaqtar sheshimin tapty. Elektr qýaty óship qalsa da, stantsiialar 6 saǵatqa deiin avtonomdy túrde jumys istei alady. Bul kez kelgen jaǵdaida turaqty bailanysqa kepildik beredi", - deidi Ǵalym Atambaev.
Sondai-aq barlyq bazalyq stantsiialar birqatar tekserýlerden ótip, tiisti qaýipsizdik sertifikattaryn alǵanyn, sonymen qatar turǵyndar densaýlyǵyna qatysty esh alańdaýǵa negiz joq ekenin jetkizdi.
Innovatsiiaǵa qadam basqan qala
Aqtóbe oblysynyń tsifrlyq tehnologiialar basqarmasynyń basshysy Áset Otarbaev óz kezeginde Kcell júrgizgen jumysty joǵary baǵalady.
"Men ózim "Altyn Orda" aýdanynda turamyn jáne Kcell abonentimin. Buryn bailanys jelisine qatysty adamdardan shaǵymdardy jii estitin edim. Ózim de signaldyń nasharlyǵyn baiqaitynmyn. Búgin mine, kompaniianyń bailanysty jaqsartý jónindegi aýqymdy jumysynyń nátijelerin kórdik. Qala belsendi damyp keledi jáne telekommýnikatsiia siiaqty infraqurylymnyń qatar damyp, artta qalmaýy mańyzdy. Bizdiń josparymyz kelesi jyly Aqtóbe oblysyn tolyǵymen internet jelisimen qamtyp, eń shalǵaidaǵy adamdardy da bailanysqa qosý", - dedi basqarma basshysy.
Bolashaqtaǵy josparlar: aýyldarda jelini keńeitý
Kcell ókilderiniń aitýynsha, kompaniianyń josparynda tek qalada jáne jaqyn mańdaǵy kentterde ǵana emes, sonymen qatar aýyldyq jerlerde jáne Samara-Shymkent, Yrǵyz-Shalqar, Aqtóbe-Astrahan jáne Aqtóbe-Orsk respýblikalyq trassalarynyń boiynda óziniń jelilik infraqurylymyn odan ári damytý maqsaty bar. "250+" baǵdarlamasy aiasynda jyl sońyna deiin búkil el boiynsha 268 aýylda jańa bazalyq stantsiialar ornatylady. Bul kórsetiletin telekommýnikatsiialyq qyzmetterdiń sapasyn aitarlyqtai jaqsartady.
