kollaj: Tengrinews.kz
Qyzylorda oblysy boiynsha UQK Shekara qyzmeti departamentiniń qyzmetkerleri Nur-Sultanda kishkentai qyzdy 8-qabattan qaǵyp alǵan Sábit Shontaqbaevtyń otbasyn quttyqtap, ol qalai qyzmet etkenin aityp berdi, - dep habarlaidy Tengrinews.kz tilshisi UQK Shekara qyzmetiniń baspasóz qyzmetine silteme jasap.
"11 mamyrda Sábit Shontaqbaev Nur-Sultan qalasynda bireýdiń qaiǵysyna beijai qaramai, ólim aýzynda turǵan 3 jasar balanyń ómirin qutqaryp qaldy", - dedi baspasóz qyzmeti ókilderi.
Vedomstvo málimetinshe, buǵan deiin Sábit Qyzylorda oblysy boiynsha UQK Shekara qyzmeti departamentinde qyzmet etken.
"Rasymen de, Shontaqbaev qyzmette sportpen belsendi ainalysqan. Kúndelikti dene shynyqtyrý jáne shynyǵý erik-jiger men jaýapkershilik sezimin qalyptastyrady. Ol el shebin qorǵaýǵa, turǵyndardyń beibit ómirin saqtaýǵa árdaiym shyńdaldy. Zapasqa shyqsa da, shekarashy bolýyn toqtatqan joq. Sol sebepti de, sol kúni Sábit jai qarap tura almady", - dedi vedomstvo ókili.
