2022 jylǵy 24-31 qańtar aralyǵynda Shekara qyzmetiniń aýmaqtyq bólimsheleri shetelge qarajatty zańsyz shyǵarý áreketteriniń aldyn aldy, - dep habarlaidy "Ult aqparat" vedomstvonyń baspasóz qyzmetine silteme jasap.
UQK málimetinshe, shekarashylar jalpy somasy 311 526 967 teńge bolatyn deklaratsiialanbaǵan shetel valiýtasyn alyp shyǵýdyń 24 deregin (Nur-Sultan, Almaty, Túrkistan, Aqtaý, Óskemen qalalarynda) anyqtaǵan.
Materialdar quzyretteri boiynsha memlekettik kirister jáne ekonomikalyq qylmystardy tergeý organdaryna berilgen.
"UQK Shekara qyzmeti Qazaqstannan tys jerlerge shyǵatyn azamattarǵa iri kólemde aqsha (on myń AQSh dollarynan astam) alyp shyǵýdaǵy zań talaptaryn saqtaýdy jáne deklaratsiialaý qajet ekenin eske salady", - delingen habarlamada.
Buǵan deiin Qazaqstanda elden zańsyz aqsha shyǵarýǵa baqylaý kúsheitilgeni habarlanǵan bolatyn. Buiryqty Ulttyq bank Qarjy monitoringi agenttigi jáne Qarjy naryǵyn retteý jáne damytý agenttigimen birlesip qabyldaǵan.
