Shyǵys Qazaqstan oblysyndaǵy Baqty keden beketi basshysynyń orynbasary Erbol Nuralin kedendegi jaǵdaidy baiandady, dep habarlaidy QazAqparat.
«Qazirgi ýaqytta Baqty keden beketinde koronavirýs boiynsha jaǵdai turaqty. Búgin 20 aqpandaǵy málimetke sensek, Qytai Halyq Respýblikasynan keden beketi arqyly bir ǵana júrgizýshi ótti. Basqa QHR nemese QR azamattary shekaradan ótkizilgen joq», - dedi E. Nuralin.
Óz kezeginde Baqty aýyldyq okrýginiń ákimi Almas Chýshekov halyq arasynda esh túsinispeýshilik bolmaǵanyn aitty.
«Baqty aýyldyq okrýgi boiynsha Korona virýs infektsiiasynyń Qytaida órship jatýyna bailanysty halyqqa túsindirý jumystary júrip jatyr. Qazirgi ýaqytta aýyl halqynda esh túsinispeýshilik faktileri tirkelgen joq. Aýyl halqy qazir tynysh. Atqarylyp jatqan is-sharalarǵa túsinistikpen qaraýda», - dedi ákim.
Aita keteiik, buǵan deiin oblys ákimdigi Zaisan aýdanyndaǵy aýrýhanalarǵa koronavirýs juqtyrǵan Qytai azamattary jatqyzylady degen aqparattyń jalǵan ekenin málimdegen edi.
«Qytaimen eki aradaǵy shekara jabyldy. Sol úshin barlyqtaryńyzdy sabyrǵa shaqyramyn. Al sol elden kelgen bizdiń 5 azamatymyz oqshaýlanyp, karantinge jatqyzylady. 3 kúnnen keiin Zaisanǵa taǵy kelip jaǵdaidy baqylaimyn», - dedi Danial Kenjetaiuly.
