شىعىس قازاقستان وبلىسىنداعى باقتى كەدەن بەكەتٸ باسشىسىنىڭ ورىنباسارى ەربول نۇرالين كەدەندەگٸ جاعدايدى باياندادى, دەپ حابارلايدى قازاقپارات.
«قازٸرگٸ ۋاقىتتا باقتى كەدەن بەكەتٸندە كوروناۆيرۋس بويىنشا جاعداي تۇراقتى. بٷگٸن 20 اقپانداعى مەلٸمەتكە سەنسەك, قىتاي حالىق رەسپۋبليكاسىنان كەدەن بەكەتٸ ارقىلى بٸر عانا جٷرگٸزۋشٸ ٶتتٸ. باسقا قحر نەمەسە قر ازاماتتارى شەكارادان ٶتكٸزٸلگەن جوق», - دەدٸ ە. نۇرالين.
ٶز كەزەگٸندە باقتى اۋىلدىق وكرۋگٸنٸڭ ەكٸمٸ الماس چۋشەكوۆ حالىق اراسىندا ەش تٷسٸنٸسپەۋشٸلٸك بولماعانىن ايتتى.
«باقتى اۋىلدىق وكرۋگٸ بويىنشا كورونا ۆيرۋس ينفەكتسيياسىنىڭ قىتايدا ٶرشٸپ جاتۋىنا بايلانىستى حالىققا تٷسٸندٸرۋ جۇمىستارى جٷرٸپ جاتىر. قازٸرگٸ ۋاقىتتا اۋىل حالقىندا ەش تٷسٸنٸسپەۋشٸلٸك فاكتٸلەرٸ تٸركەلگەن جوق. اۋىل حالقى قازٸر تىنىش. اتقارىلىپ جاتقان ٸس-شارالارعا تٷسٸنٸستٸكپەن قاراۋدا», - دەدٸ ەكٸم.
ايتا كەتەيٸك, بۇعان دەيٸن وبلىس ەكٸمدٸگٸ زايسان اۋدانىنداعى اۋرۋحانالارعا كوروناۆيرۋس جۇقتىرعان قىتاي ازاماتتارى جاتقىزىلادى دەگەن اقپاراتتىڭ جالعان ەكەنٸن مەلٸمدەگەن ەدٸ.
«قىتايمەن ەكٸ اراداعى شەكارا جابىلدى. سول ٷشٸن بارلىقتارىڭىزدى سابىرعا شاقىرامىن. ال سول ەلدەن كەلگەن بٸزدٸڭ 5 ازاماتىمىز وقشاۋلانىپ, كارانتينگە جاتقىزىلادى. 3 كٷننەن كەيٸن زايسانعا تاعى كەلٸپ جاعدايدى باقىلايمىن», - دەدٸ دانيال كەنجەتايۇلى.
