Foto: Inbusiness.kz
UQK Shekara qyzmeti memlekettik shekarany kúzetý men qorǵaýdy qamtamasyz etý aiasynda quzyrly organdarmen ózara árekettese otyryp biyl mamyrda atqarylǵan jumystar týraly aqparatpen bólisti, dep habarlaidy «Ult aqparat» Komitettiń baspasóz qyzmetine silteme jasap.
Komitettiń málimetinshe, shekara keńistiginde Qazaqstan zańnamalaryn buzǵan 3 368 adam, onyń ishinde 50 shetel azamattary shekarany buzǵany úshin ustalyp, 59 shetel azamattarymen shekarany buzý áreketteriniń joly kesildi.
Memlekettik shekara arqyly 1 739 zańsyz alyp ótý faktileriniń aldy alyndy, sonyń ishinde:
38 – esirtki zattary, jalpy salmaǵy - 143 gr.;
82 – atý qarýy men oq-dáriler (2 dana pnevmatikalyq, 2 dana zaqym keltirý jáne 135 dana sýyq qarýlary, 62 dana oq-dáriler);
32 – dini ádebiet (561 dana);
536 – jalpy somasy 10 mln teńgeden asatyn janar-jaǵarmai materialdary (46 tonnadan astam);
883 – jalpy somasy 3 mlrd teńgeden astam halyq tutyný taýarlary;
168 – jalpy somasy 1,4 mlrd teńgeden astam shetel valiýtasy.
Kaspii akvatoriiasynda 21 brakonerlik faktileriniń aldy alyndy. Atap aitqanda, 8 júzý quraly, jalpy uzyndyǵy 36,7 km tordy quraityn brakonerlik aýlaý quraly, 75 (703 kg) bekire tuqymdas balyqtar, 3 487 (5 605 kg) taza tuqymdas balyqtar.
Aldy alynǵan zalal somasy 279 mln teńgeni quraidy.
Bul faktiler boiynsha materialdar buzýshylardy jaýapkershilikke tartý úshin quqyq qorǵaý jáne sot organdaryna jiberildi.
Aita keteiik, memlekettik shekarada qandai da bir shekteý sharalary engizilgen joq. Barlyq ótkizý pýnktteri shtattyq rejimde jumys isteýde.
