19 mln teńgeniń dárilik preparattary Jambyl oblysynyń densaýlyq saqtaý basqarmasyna tapsyryldy, dep habarlaidy "Ult aqparat" Qarjy monitoringi komitetine silteme jasap.
Jambyl oblysy boiynsha ekonomikalyq tergeý departamenti oblystyń shekara qyzmetkerlerimen birlesip, Qordai aýdanynyń «Qarasý» shekara beketinde qujatsyz dári-dármek tasymaldaǵan júk kóligin ustady.
Atalǵan fakti boiynsha QR QK 214-baby 1-bólimine sáikes sotqa deiingi tergeý bastaldy.
Kóliktiń júksalǵyshynan quny 19 mln teńgeden asatyn preparattardyń 20-ǵa jýyq túri tabylyp, tárkilendi.
Qazirgi tańda barlyq taýar tárkilenip, alynǵan dárilik zattar Jambyl oblysy ákimdiginiń densaýlyq saqtaý basqarmasyna tapsyryldy.
