8 maýsymnan bastap QR azamattary men sheteldikter úshin vaktsinalaý jáne PTR rastaý talaptary alynyp tastalady. Mundai sheshimdi koronavirýsty taratpaý jónindegi vedomstvoaralyq komissiia qabyldady, - dep habarlaidy "Ult aqparat" Úkimettiń baspasóz qyzmetine silteme jasap.
"Premer-Ministrdiń orynbasary Eraly Toǵjanovtyń tóraǵalyǵymen Qazaqstan Respýblikasynyń aýmaǵynda koronavirýs infektsiiasynyń taralýynyń aldyn alý jónindegi vedomstvoaralyq komissiianyń otyrysy ótti. Komissiia jumysyna memlekettik organdardyń, «Atameken» UKP ókilderi men óńirlerdiń basshylary qatysty" delingen habarlamada.
Eldegi jáne álemdegi epidemiologiialyq ahýaldyń turaqtanýyn eskere otyryp, vedomstvoaralyq komissiia kelesidei sheshimder qabyldady:
Birinshi: biylǵy 8 maýsymnan bastap QR azamattary men sheteldikterge Qazaqstan Respýblikasynyń Memlekettik shekarasyn kesip ótý kezinde revaktsinatsiia nemese COVID-19-ǵa qarsy vaktsinalaýdyń tolyq kýrsyn (COVID 19-ǵa qarsy vaktsinalaý týraly pasportty/sertifikatty/anyqtamany) qujattyq rastaý boiynsha, al olar bolmaǵan kezde PTR-testileýdiń teris nátijesi kórsetilgen anyqtamany usyný talaby alynyp tastalady;
Ekinshi: respýblikanyń 7 óńirindegi Qazaqstan Respýblikasy Memlekettik shekarasynyń jekelegen ýchaskelerinde ýaqytsha jabylǵan 12 avtomobil ótkizý beketine jumys isteýge salynǵan tyiym alynyp tastalady.
