Jyl aiaǵyna deiin shekaralyq óńirlerde 107 radiotatartý qondyrǵysy ornatylady, dep habarlaidy "Ult aqparat".
Bul týraly Aqparat jáne qoǵamdyq damý ministri Aida Balaeva halyq aldyndaǵy eseptik kezdesýinde aitty.
«2021 jyldyń sońyna deiin shekara mańyndaǵy óńirlerde 107 radiotaratqysh ornatylady. Bul Qazaq radiosy men Shalqar radiosynyń habar taratýyn qamtamasyz etedi. Nátijesinde 630 myńnan astam adam turatyn Túrkistan, Jambyl jáne Shyǵys Qazaqstan oblystarynyń shekara mańyndaǵy aýmaqtarynyń 400-den astam aýyly otandyq radioarnalardyń habarlaryn tyńdaý múmkindigine ie bolady», - dedi ministr.
Jalpy, osy baǵyttaǵy jol kartasyn júzege asyrý nátijesinde 2025 jylǵa qarai shekara mańyndaǵy óńirlerde turatyn halyqtyń 95%-yn radiobaǵdarlamalarmen qamtý kózdelip otyr.
«Bul halyqtyq radiostantsiianyń mereitoiyna jaqsy syilyq bolady dep oilaimyn. Óz kezeginde, Prezidenttiń aqparattyq kontentti ideologiialyq tolyqtyrý jónindegi ózekti tapsyrmalary aiasynda otandyq telearnalar da belsendi sharalar qabyldaýda. Atap aitqanda, biyl tarihi baǵyttaǵy serialdar shyǵarý jumysy bastaldy. Bul otandyq naryqtaǵy tarihi taqyryptyń úlesin 30%-ǵa arttyrýǵa múmkindik beredi», - dedi Aida Balaeva.
