Ulttyq qaýipsizdik komiteti tóraǵasynyń burynǵy orynbasary - Qazaqstan shekara qyzmetiniń direktory Darhan Dilmanov eki aiǵa qamaýǵa alyndy, - dep habarlaidy Tengrinews.kz tilshisi Almaty sotynyń baspasóz qyzmetine silteme jasap.
"Almaty qalasy tergeý sotynyń 2022 jylǵy 24 maýsymdaǵy qaýlysyna sáikes, kúdiktige qatysty kúzetpen ustaý túrindegi bultartpaý sharasyn sanktsiialaý týraly ótinish qanaǵattandyryldy", - dedi sottyń baspasóz qyzmetindegiler. Sot ókilderi Dilmanov eki aiǵa deiin qamaýǵa alynǵanyn aitty.
Úkim zańdy kúshine engen joq.
Eske salaiyq, 22 maýsymda Ulttyq qaýipsizdik komiteti Shekara qyzmetiniń burynǵy basshylaryn ustaǵan edi.
"2022 jylǵy 22 maýsymda Ulttyq qaýipsizdik komiteti Qazaqstan-Qytai shekara beketterinde anyqtalǵan bilikti asyra paidalaný deregi boiynsha júrgizip jatqan sotaldy tergeý sheńberinde burynǵy UQK tóraǵasynyń orynbasary - Shekara qyzmetiniń direktory general-leitenant D.A. Dilmanov, Shekara qyzmeti Almaty oblysy boiynsha departamenti "Nur Joly" shekara baqylaý bóliminiń bastyǵy maior N. Arysbaev jáne basqa da adamdar ustalyp, ýaqytsha ustaý izoliatoryna qamaldy", - delingen habarlamada.
