Búgin QR Aýyl sharýashylyǵy ministri Asqar Myrzahmetov Májilis otyrysynda qazaqstandyqtarǵa aýyl sharýashylyǵy jerlerin jalǵa berýdiń jańa tártibin tanystyrdy, dep habarlaidy Baq.kz tilshisi.
Búgin Májilis «Qazaqstan Respýblikasynyń keibir zańnamalyq aktilerine jer qatynastaryn retteý máseleleri boiynsha ózgerister men tolyqtyrýlar engizý týraly» QR Zań jobasyn birinshi oqylymda maquldady.
«Zań jobasynda shekaralyq beldeý men shekara aýmaǵynda ornalasqan jer ýchaskelerin sheteldikterge, azamattyǵy joq adamdarǵa, Qazaqstan Respýblikasynyń sheteldiktermen nekede turǵan azamattaryna nemese sheteldik zańdy tulǵalarǵa jáne quramynda sheteldikter bar Qazaqstan Respýblikasynyń zańdy tulǵalaryna berýge tyiym salynady. Memlekettik shekaranyń shekara aýmaǵynda ornalasqan aýyl sharýashylyǵy jerleri tek Qazaqstan Respýblikasynyń azamattary men zańdy tulǵalaryna ǵana jalǵa alý quqyǵy beriledi. Al, memlekettik shekaranyń shekaralyq beldeýinde ornalasqan aýyl sharýashylyǵy jerleri qazaqstandyqtarǵa da berilmeidi. Atalǵan aýmaqtardaǵy aýyl sharýashylyǵy jerlerin jergilikti halyqqa jaiylym, shabyndyq retinde ǵana paidalanýǵa ruqsat etiledi», - dedi Myrzahmetov.
Ministrdiń aitýynsha, zań jobasymen jergilikti turǵyndardyń malyna jaiylym jetispeýshiligin sheshý maqsatynda eldi mekender ainalasynda jaiylym alańdaryn aiqyndaityn norma kózdelip otyr. Osy maqsatta aiqyndalǵan jaiylymdardy Qazaqstan Respýblikasynyń jeke jáne zańdy tulǵalaryna jalǵa berýge tyiym salynady.
